Kishkentaı balanyń oıynynan ot shyqty

ALMATY. QazAqparat – 10 tamyzda Almaty oblysynyń Ótegen batyr aýylynda kóppáterli turǵyn úıdiń dárethanasynda qoqys shelegi janyp, páter men kireberis qatty tútindedi, dep habarlaıdy QazAqparat.

Tótenshe jaǵdaılar mınıstrligi baspasóz qyzmetiniń málimetinshe, órt shyǵýyna balanyń otpen oınaýy sebep bolǵan.

Órt sóndirýshiler esikti buzyp, páterge kirip, qutqarý qalpaqshasynyń kómegimen balkonda turǵan 2015 j.t. qyzdy evakýatsııalady.

Órtti sóndirýge jáne adamdardy evakýatsııalaýǵa 19 adam jáne 5 tehnıka jumyldyryldy.