Kishi Taldykól isi qaıta qaraldy - ne ózgerýi múmkin
2022 jyly 11 shildede elordalyq ákimshilik sot qala ákimdiginiń «Kishi Taldykól» kólder tobynda sý qorǵaý aımaqtary men beldeýlerin belgilemegen áreketsizdigin zańsyz dep tanyp, 6, 7, 9 kólderde sý qorǵaý aımaqtary men beldeýlerin ornatýǵa mindettedi. Ákimdiktiń «Sý qory jerlerin eldimeken jerleri sanatyna aýystyrý týraly» qaýlysy, onyń ishinde №6,7,9 kólder aýmaǵyn eldimeken jerlerine aýystyrý bóligi zańsyz dep tanylyp, kúshi joıyldy.
«Aqiqat» korporatıvtik zańgerler koalıtsııasynyń ókili Asqar Qaldybaev koalıtsııa sot sheshimin ózgertýdi jáne barlyq jeti ýchaskeniń aınalasynda sý qorǵaý aımaqtary men beldeýlerin ornatýdy suraıtynyn aıtty.
«Ózderińiz biletindeı, sot sheshimi tek belgili bir ýchaskelermen shekteldi. Al keı ýchaskelerge qatysty bizdiń talaptarymyz qabyldanbady. Biz sottyń sheshim shyǵarǵan qorytyndysyn negizsiz, eshqandaı senimdi zertteýlerge negizdelmegen dep sanaımyz. Bul esepte eshqandaı dálel keltirilmegen. Ekinshiden, biz qurylys kompanııalary senim prıntsıpine súıene almaıdy, bul týraly sot óz sheshiminde atap ótti. Qurylys kompanııalary ádil jumys istemegen, olar Taldykól sý obektisi bolyp tabylatynyn jáne sý obektisinde qandaı da bir qurylys qyzmetine tyıym salynatynyn bilýi kerek edi. Óz qyzmetiniń kásipkerlik sıpatyna baılanysty olar bul fakt týraly bilýi qajet edi», - dep esepteıdi Asqar Qaldybaev.
Sonymen birge zańger Shyńǵys Temir Kishi Taldykól qurylys salýshylardyń osy jer ýchaskelerin taratqan jergilikti atqarýshy organmen birlesip júrgizgen qasaqana antropogendik is-áreketi saldarynan joǵala bastaǵanyn aıtty.
«Bul faktiler qujattarda aıǵaqtalǵan. Birinshiden, «Jasyl oram» turǵyn úı keshenine qarama-qarsy №5 ýchaskede kóldiń betin jabý faktileri anyqtaldy, qalalyq orta sapasyn baqylaý basqarmasy tıisti tekserý júrgizdi. Tekserý nátıjeleri boıynsha kóldiń beti qandaı da bir ınertti materıalmen toltyrylǵany anyqtaldy. Osyǵan baılanysty SAT NS ákimshilik jaýapkershilikke tartyldy. Bul aýmaqtaǵy buzýshylyqty joıý týraly buıryq áli de óz kúshinde. Sat NS ony oryndamady. Nusqaýlyq boıynsha tutas aýmaqty qalpyna keltirý kerek. Sonymen qatar, apellıatsııalyq shaǵymymyzda biz sýdy jasandy jolmen shyǵarý faktilerin usyndyq. Bul faktini Esil basseındik ınspektsııasy tirkedi, tıisti akt jasaldy», - dep túsindirdi Shyńǵys Temir.
Astana ákimi apparaty basshysynyń orynbasary Janasyl Sháýkentaev birinshi ınstantsııadaǵy sottyń sheshimin mynadaı negizder boıynsha ózgertýdi usyndy.
«Qazirgi ýaqytta Kishi Taldykólde sý kelý júıeleriniń buzylýyna jáne sý jınaý alańynyń azaıýyna baılanysty tabıǵı buzýshylyq baıqalýda. Zertteý júrgizgen mamandardyń qorytyndysyna sáıkes, Kishi Taldykóldiń tabıǵı qurǵaýynyń sebebi – Astananyń sol jaǵalaýynyń belsendi damýy, qurylystyń kóbeıýi, sonyń saldarynan kólderge keletin jerasty sýlary azaıǵan. Sonymen qatar bul jaǵdaı kólderge gıdrologııalyq zertteýler júrgizetin Vernadskıı úkimettik emes ekologııalyq qorynyń qorytyndysymen rastalady. Úlken Taldykól de osynyń aıqyn mysaly bolyp otyr. Birinshi ınstantsııadaǵy sotqa Úlken Taldykóldiń jyldar boıǵy tabıǵı qurǵaýy tirkelgen materıaldar usynyldy. Sondaı-aq, №7 ýchaskeni bólek atap ótken jón. Ol qazir ákimdiktiń sý qorǵaý aımaqtary men beldeýlerin belgileý jumystary júrip jatqan sarqyndy jáne drenajdy sýlar esebinen jasandy jolmen tolady. №5 ýchaskede ákimdik ekopark salýdy josparlaǵan. Biraq dál osylaı Taldykól kólderin saqtap qalý múmkin emes jáne orynsyz, óıtkeni tazartý nysandarynyń qýaty jetkiliksiz», - dedi Janasyl Shaýkentaev.
Onyń aıtýynsha, is materıaldaryndaǵy júrgizilgen zertteýler qorytyndysyna sáıkes, №7 ýchaskeni saqtaýdyń oryndylyǵy týraly ǵana aıtylǵan.
«Osylaısha, №6 jáne № 9 ýchaskelerdi saqtaý tabıǵı qurǵaýǵa baılanysty múmkin emes. Joǵaryda baıandalǵandy eskere otyryp, sottan birinshi ınstantsııadaǵy sottyń sheshimin ózgertýdi jáne talapkerdiń apellıatsııalyq shaǵymyn qanaǵattandyrýdan bas tartýdy suraımyn», - dedi ol.
Apellıatsııalyq ınstantsııa soty birinshi ınstantsııadaǵy sot belgilegen mán-jaılardy jáne onyń qorytyndylaryn ishinara durys dep uıǵardy. Qorytyndyny atalǵan salada arnaıy bilimi bar mamandar (gıdrolog, ınjener-gıdrogeolog, ekolog-aýdıtor) bergen. Alqa mamandardyń jańa qorytyndysyn eskere otyryp, tek №7 sý aıdynyna qatysty sý qorǵaý aımaǵyn belgileý qajet dep sanady. №6 sý qoımasy toltyrylyp, №9 sý qoımasy qurǵap keledi. Atap aıtqanda, №6,9 kólderi aýmaǵynda kóppáterli turǵyn úı keshenderiniń, onyń ishinde áleýmettik mańyzy bar obektilerdiń qurylysy júrýde. Apellıatsııa №7 sý qoımasyn saqtaýdy jáne jer asty sýlarynyń aǵynyn qalpyna keltirý úshin mindetti tereńdetý jumystaryn júrgizýdi usyndy.
