Kırstı Koventrı HOK-tiń onynshy jáne alǵashqy áıel prezıdenti bolyp saılandy

ASTANA.KAZINFORM — Daýys berý Grekııanyń Kosta-Navarıno qalasyndaǵy HOK-tiń 144-shi sessııasynda ótti. Bul týraly Ulttyq olımpıadalyq komıtet habarlady. 

Ol bul qyzmette 2013 jyldan beri prezıdent bolǵan Tomas Bahty almastyrady. Bah 2025 jyldyń aqpanynda qyzmetten ketetinin málimdep, onyń bul sheshimin HOK Atqarýshy komıteti qoldady.

Eki dúrkin Olımpıada chempıony, júzý sheberi Kırstı Koventrı Halyqaralyq Olımpıadalyq komıtetin basqarǵan alǵashqy áıel atandy.

Tomas Bahtyń ókilettigin resmı túrde Kırstı Koventrıge tapsyrý rásimi 2025 jyly 23 maýsymda ótedi.

Aıta ketelik Grekııanyń Kosta-Navarıno qalasynda ótken Halyqaralyq Olımpıadalyq komıtetiniń (HOK) 144-shi sessııasynda 2028 jyly Los-Andjeleste ótetin Olımpıada oıyndarynyń baǵdarlamasyna boksty qosý týraly sheshim qabyldanǵan edi.