Qyrǵyzstandyq kókparshylar densaýlyǵyn saqtandyra bastady

ASTANA. KAZINFORM – Qyrǵyzstannyń kókparshylary jarys kezinde jazataıym oqıǵalardan densaýlyǵyn saqtandyrýdy bastady. Bul týraly Kok Boru_rulit Instagram blogyna Qyrǵyzstan sport federatsııasynyń vıtse-prezıdenti Nurlan Maqsutov málimdegen, dep habarlaıdy Qyrǵyzstannyń Kabar agenttigi. 

Densaýlyq saqtaý polısin birinshi bolyp memlekettik saqtandyrý kompanııasynan «Sary-Ozon» Shý komandasynyń oıynshylary satyp aldy.

«Bul zaman talaby. Kókparshy oıyn kezinde jaraqat alǵan jaǵdaıda saqtandyrý aqysy tólenedi. Ár komanda saqtandyrý protsedýrasynan ótýi kerek. Densaýlyǵyn saqtaý týraly polısi joqtar týrnırlerge qatysa almaıdy», - dedi Nurlan Maqsutov.

Onyń aıtýynsha, kókparshylarǵa arnalǵan polıstiń tómen baǵasy 2800 (40 myń teńgege jýyq) somdy quraıdy, al saqtandyrý tólemi 200 myń somǵa (1 mln teńgege deıin) deıin barady.

Sondaı-aq, vıtse-prezıdent atalǵan máseleniń federatsııada burynnan beri talqylanǵanyn aıtty.