Qyrǵyzstanda júk kóligi qaqqan 19 bala áli aýrýhanada jatyr

BІShKEK. KAZINFORM — Jerge-Tal aýylynda manasshylar saıysy kezinde júk kóligi qaǵyp, jaraqat alǵan 19 bala aýrýhanada jatyr, dep jazady 24.kg.

Eldiń densaýlyq saqtaý mınıstri Alymqadyr Beıshenalıevtiń aıtýynsha, Bishkek aýrýhanasynda jatqan on balanyń úsheýine ota jasalǵan.

«Olardyń jaǵdaıy turaqty, ortasha aýyr. Tórteýi jansaqtaý bóliminde, qalǵandary bólimshelerde jatyr. Jalal-Abadta toǵyz bala emdelip jatyr, onyń beseýiniń jaǵdaıy ortasha aýyr, qalǵandarynyń jaǵdaıy birqalypty, bireýi úıine shyǵaryldy. Qalǵanynyń bári konservatıvti em alady», - dedi eldiń Densaýlyq saqtaý mınıstri.

Jalal-Abad oblysy Sozaq aýdany Jerge-Tal aýylynda ótken jas manasshylar baıqaýy qaıǵyly oqıǵamen aıaqtaldy.

Jaılaýda ótip jatqan sharada mektep oqýshylary «Manas» eposynan úzindi oqydy. 

Oqıǵa kezinde jınalǵan jasóspirimderdi «Porter» júk kóligi qaǵyp ketti. 34 bala zardap shekti. Júrgizýshi úıqamaqqa shyǵaryldy.

Buǵan deıin 2 mamyr kúni Qyrǵyzstannyń Jalal-Abad oblysynyń Sozaq aýdanynda balmuzdaq tıegen shaǵyn júk kóligi 29 balany qaǵyp ketkenin habarlaǵan edik.

Artynsha júk kóliginiń júrgizýshi ustaldy. 

Qaıǵyly oqıǵaǵa baılanysty Qyrǵyzstannyń 12 polıtsııa qyzmetkeri jazalandy.