Qyrǵyzstanda sheteldikter zańsyz kóshi-qon uıymdastyrǵan

BІShKEK. KAZINFORM – Qyrǵyzstanǵa aqshaǵa mıgranttardy zańsyz ákelýdi uıymdastyrǵan Pákistan Islam Respýblıkasynyń azamattarynan quralǵan qylmystyq top ustaldy, dep habarlaıdy Kazinform menshikti tilshisi.

Quqyq qorǵaý organdarynyń málimetinshe, Pákistan azamattary eńbek qyzmetin júzege asyrý úshin Qyrǵyz Respýblıkasynyń aýmaǵyna mıgranttardy zańsyz ákelý maqsatynda jalǵan qujattar jasaýmen aınalysqan.

Qyrǵyzstan Respýblıkasy Qylmystyq kodeksiniń «Zańsyz kóshi-qondy uıymdastyrý, mıgranttardy zańsyz ákelý (shyǵarý)» baby boıynsha qozǵalǵan qylmystyq is aıasynda Pákistannyń 1991, 1995 jáne 1984 j.t. úsh azamaty ustalyp, tergeý abaqtysyna qamaldy.

Tergeý anyqtaǵandaı, kúdiktiler óz otandastaryna 2 myń AQSh dollaryna jalǵan vıza jasaǵan, odan keıin mıgranttardyń jalaqylaryn ózderine óndirip alǵan.

Sonymen qatar, vızalarynyń merzimi ótip ketken Pákistannyń 12 azamaty men Nepaldyń bir azamaty anyqtaldy. Olarǵa 71500 som kóleminde aıyppul salyndy. Tergeý amaldary jalǵasyp jatyr.

Osyǵan deıin Qyrǵyzstanda «Qyrǵyzındýstrııanyń» burynǵy basshysy qamaýǵa alynǵany týraly jazdyq.