Qyrǵyzstanda shamamen 4 baldyq jer silkinisi tirkeldi

ASTANA.KAZINFORM — Qyrǵyzstannyń Batken oblysynda búgin saǵat 04:53–te shamamen 4 baldyq jer silkinisi tirkeldi, dep jazady Kabar agenttigi.

Qyrǵyzstan Respýblıkasy Ulttyq ǵylym akademııasy Seısmologııa ınstıtýtynyń málimetinshe jer silkinisiniń oshaǵy Qyrǵyzstan aýmaǵynda, Leılek kentinen soltústikke qaraı 6 km, Ravat aýylynan soltústik-batysqa qaraı 8 km jerde ornalasqan. Katran aýylynan soltústik-shyǵysqa qaraı 13 km, Súlikti qalasynan shyǵysqa qaraı 45 km, Batken qalasynan ońtústik-batysqa qaraı 65 km qashyqta ornalasqan.

Qyrǵyz Respýblıkasynyń eldi mekenderinde jer silkinisiniń kúshi: Leılek, Ravat, Qara-Sýý, Korgon, Katran aýyldarynda 3,5 ball shamasynda, Berik-Sýý, Qyzyl-Charba aýyldarynda 3 ball boldy.