Qyrǵyzstanda sel kezinde joǵalǵan balanyń denesi tabyldy

ASTANA. KAZINFORM – Qyrǵyzstannyń Osh qalasynda sel kezinde joǵalyp ketken 7 jasar qyzdyń denesi Ózbekstan aýmaǵynan tabyldy.

Qyrǵyzstan Tótenshe jaǵdaılar mınıstrligi baspasóz qyzmetiniń habarlaýynsha, Ándijan qalasyndaǵy (Ózbekstan Respýblıkasy) Shahrıhonsoı sýarý kanalynan 2017 jyly týǵan N.S.-nyń denesi tabyldy. 

Balanyń denesi «Dostýk» baqylaý-ótkizý beketinde qyrǵyz tarapyna berildi. Joǵalǵan eki áıel men eki qyzdy izdeý jumystary jalǵasyp jatyr.  

Buǵan deıin habarlanǵandaı, Qyrǵyzstannyń Osh qalasynda sel kezinde tórt adam ushty-kúıli joǵalyp ketti. 

14 shildede Oshta tótenshe jaǵdaı rejımi engizildi.