Qyrǵyzstanda saýdagerler salyq rejımine qarsy mıtıng ótkizdi
Bishkek, Osh, Qarakól, Talasta kásipkerlerdiń mıtıngi ótip jatyr. Olar jańa salyq ózgeristerine qarsy, dep habarlaıdy Kazinform agenttiginiń menshikti tilshisi.
2024 jyldyń 1 qańtarynda, salyq zańnamasyndaǵy ózgeristerge sáıkes Qyrǵyzstanda salyqtyń patenttik júıesi toqtatylady.
Barlyq qalada ótip jatqan búgingi narazylyq aktsııasyna qatysýshylar baqylaý-kassa mashınalaryn paıdalaný talabyna qarsy shyǵyp, kásipkerlerge patent boıynsha jumysty jalǵastyrýǵa ruqsat berýdi suraıdy.
Astanalyq «Madına», «Orto-Saı» bazarlary saýdagerleri de jaqynda osyndaı talappen mıtıngige shyqty. Osh oblysyndaǵy eldiń eń iri saýda oryndary ári strategııalyq nysandarǵa jatatyn «Dordoı» men «Qara Sýý» bazarlarynda baqylaý-kassa mashınalaryn, elektrondy taýar-kólik jazbalary men elektrondy shot-faktýrany paıdalanbaýǵa múmkindik beretin erekshe salyq rejımi jumys isteıdi. Erekshe salyq rejımi tabys salyǵyn, satýdan túsetin salyqty, QQS almastyrady.