Qyrǵyzstanda saqtandyrý jarnasy tómendemek

BІShKEK. KAZINFORM – Qyrǵyz Respýblıkasynyń Prezıdenti Sadyr Japarov «Kásipkerlik sýbektileri úshin qolaıly salyqtyq orta jasaý jáne saqtandyrylǵan adamdardyń memlekettik áleýmettik qamsyzdandyrýǵa qyzyǵýshylyǵyn arttyrý týraly» Jarlyqqa qol qoıdy.

Saqtandyrý jarnasy tarıfiniń qazirgi mólsherlemesi — bıznes ókilderiniń aldynda turǵan ózekti máseleniń biri.

Jumys berýshi tóleıtin áleýmettik aýdarymdar salyq shegeriminiń somasynan aıtarlyqtaı asyp túsedi.

Bul qyzmetkerlerdiń jalaqysyn tómendetpeýge negiz jasap, kásipkerlikti damytý úshin qolaısyz ekonomıkalyq jaǵdaıdyń paıda bolýyna yqpal etedi.

Neǵurlym qolaıly jaǵdaı jasaý, belsendilikti yntalandyrý, qarjylyq resýrstardyń qoljetimdiligin arttyrý jáne bıznestiń qarjylyq aýyrtpalyǵyn jeńildetý maqsatynda qujatta Qyrǵyz Respýblıkasynyń Jogorký Keneshiniń qaraýyna myna pýnktilerdi kózdeıtin zań jobasyn engizý tapsyrylǵan:

— bıýdjettik uıymdardy jáne tabysy joǵary salalardy (taý-ken ónerkásibi; elektr energııasymen, gazben, býmen jáne kondıtsıonerlengen aýamen qamtamasyz etý (jetkizý), aqparat jáne baılanys, aktsızdeletin taýarlardy satý (alkogol, temeki ónimderi jáne janar-jaǵarmaı materıaldary), kommertsııalyq bankter, mamandandyrylǵan qarjy-nesıe mekemelerin qospaǵanda, kásipkerlik sýbektileri úshin saqtandyrý syılyqaqysynyń mólsherlemesin 27,25%-dan 12,25%-ǵa deıin tómendetý; 
— jumys berýshilerdiń qyzmetkerlerge tólenetin jalaqyny (kiristerdi) jasyrǵany úshin jaýapkershiligi;
— salyq salý maqsatynda jalaqyny (tabysty) belgileýge jáne saqtandyrý jarnalaryn esepteýge qoıylatyn talaptardy anyqtaý;
— respýblıkalyq bıýdjetke tabys salyǵynan shegerimderdiń normatıvin belgileý;
— respýblıkalyq bıýdjette Qyrǵyzstan Mınıstrler Kabıneti janyndaǵy áleýmettik qorǵa qosymsha qarajat bólýdi qarastyrý.