Qyrǵyzstanda memlekettik maınıng zańdastyryldy

ASTANA.KAZINFORM – Qyrǵyzstanda vırtýaldy aktıvter týraly zańǵa túzetýler qabyldandy, dep habarlaıdy Kazinform agenttiginiń menshikti tilshisi. 

Engizilgen ózgerister eldegi tsıfrlyq aktıvter salasyna baqylaýdy kúsheıtýge, sondaı-aq Qyrǵyz Respýblıkasyndaǵy vırtýaldy aktıvter naryǵynyń turaqtylyǵy men ashyqtyǵyn qamtamasyz etýge baǵyttalǵan.

Negizgi jańashyldyqtar:

«Memlekettik maınıng» jáne «memlekettik krıptovalıýtalyq rezerv» uǵymdary resmı túrde engizildi, sondaı-aq «steıblkoın», naqty aktıvpen qamtamasyz etilgen token uǵymdarynyń anyqtamalary naqtylandy;

Vırtýaldy aktıvter salasynda ınnovatsııalyq qyzmetterdi baqylanatyn ortada synaqtan ótkizýge múmkindik beretin «retteýshi qumsalǵyshtar» (regulatory sandbox) tetigi engizildi;

qyzmet kórsetýshilerge beriletin lıtsenzııalar endi shekteýli merzimge jaramdy bolady, ataýly (berilmeıtin) sıpatqa ıe jáne úshinshi tulǵalarǵa tabystaýǵa jatpaıdy;

maınıngpen aınalysatyn barlyq tulǵa mindetti túrde resmı tirkeýden ótip, tıisti sertıfıkat alýy tıis.

Buǵan deıin Qyrǵyzstanda et satatyn mobıldi dúkender paıda bolatyny týraly jazǵan edik.