Qyrǵyzstanda qońyr aıý popýlıatsııasy artty

BІShKEK. KAZINFORM — «Han-Táńiri» memlekettik tabıǵı parkiniń aýmaǵynda jabaıy janýarlar sanynyń turaqty ósýi tirkeldi, dep habarlaıdy Kazinform menshikti tilshisi. 

Qyrǵyz Respýblıkasynyń Tabıǵı resýrstar, ekologııa jáne tehnıkalyq qadaǵalaý mınıstrliginiń málimetinshe, 2025 jyly fototuzaqtar men fototehnıkany paıdalanyp júrgizilgen monıtorıng qorytyndylary eldiń Qyzyl kitabyna engizilgen qońyr aıý popýlıatsııasynyń óskenin kórsetti.

— «Han-Táńiri» memlekettik tabıǵı parki tabıǵı keshender men bıoártúrlilikti saqtaý maqsatynda qoryq aımaǵy, ekologııalyq turaqtandyrý aımaǵy, týrıstik-rekreatsııalyq aımaq jáne shekteýli ekonomıkalyq qyzmet aımaǵy sııaqty fýnktsıonaldy aımaqtarǵa bólingen. Tabıǵı park «Adyr-Tór», «Sary-Jaz», «Eńılchek» jáne «Qaıyńdy» sııaqty birneshe ýchaskeden turady. Tabıǵı ortany únemi baqylaýdy jáne tabıǵatty qorǵaý erejeleriniń saqtalýyn qamtamasyz etý úshin ár ýchaskede aralap shyǵý uıymdastyryldy, — dep habarlady vedomstvo.

Osyǵan deıin Qyrǵyzstan aýmaǵynda sońǵy on jylda alǵash ret ortaazııalyq ózen kámshaty anyqtalǵanyn jazdyq.