Qyrǵyzstanda kıim óndirisinde tehnıkalyq qarasorany paıdalaný usynyldy

ASTANA. KAZINFORM — Qyrǵyzstandyq depýtat Dastan Bekeshev Jogorký Keneshtiń otyrysynda tehnıkalyq kannabısti (qarasorany) kıim, sómke jáne basqa da taýarlar óndirýde qoldaný týraly usynys aıtty, dep habarlaıdy Kabar.

Ol qyrǵyzstandyq tigin kásiporyndary Reseıde jaqsy tanymal ekenin atap ótti.

— Óndiriste jergilikti matalardy paıdalanǵan durys bolar edi. Al olar matany Túrkııa men Qytaıdan ákeledi. Basqa elderde, mysaly, Amerıkada qarasoradan tigilgen kıim men sómkelerdi satyp alýǵa bolady, — dedi depýtat.

Óz kezeginde Sý resýrstary, aýyl sharýashylyǵy jáne qaıta óńdeý ónerkásibi mınıstriniń orynbasary bul baǵytta Іshki ister mınıstrligimen birlesip jumys júrgizý jáne zańnamaǵa ózgerister engizý qajet ekenin aıtty.

— Sondaı-aq tehnıkalyq qarasoraǵa synaq jumystaryn júrgizý kerek. Odan keıin qorytyndyny Ǵylym akademııasyna joldaımyz. Tehnıkalyq qarasoradan óndirilgen matalardy ásker salasynda da qoldanýǵa bolady, — dep atap ótti ol.

Osyǵan deıin Qyrǵyzstan qara metall synyqtary men qaldyqtary eksportyna tyıymdy uzartqanyn jazǵan bolatynbyz.