Qyrǵyzstanda elektr energııasy qymbattaıdy
BІShKEK. KAZINFORM – Qyrǵyzstanda 2026 jyldyń 1 mamyrynda elektr energııasyna tarıfter kóteriledi. Bul týraly eldiń Energetıka mınıstri Taalaıbek Ibraev málimdedi, dep habarlaıdy Kazinform-nyń Bishkektegi menshikti tilshisi.
Ortasha merzimdi tarıftik saıasatqa sáıkes, elektr energııasynyń baǵasy bıyl 27 tıynǵa, 2027 jyly – 33 tıynǵa, 2028 jyly – 39 tıynǵa, 2029 jyly – 48 tıynǵa jáne 2030 jyly – 57 tıynǵa ósip, ózindik qun deńgeıine jetedi.
Qazirgi kezde elektr energııasynyń tarıfi 1,37 som/kVtsaǵ quraıdy.
Eske sala ketsek, 2023 jylǵy 1 tamyzdan 2026 jylǵy 31 jeltoqsanǵa deıin Qyrǵyzstanda energetıka sektorynda tótenshe jaǵdaı rejımi engizildi.
2025 jyldyń qyrkúıeginde Qyrǵyzstan energetıka mınıstri Taalaıbek Ibraev aldaǵy qystyń asa kúrdeli bolatynyn eskertip, halyqty elektr energııasyn únemdeýge shaqyrdy.
2025 jylǵy qarashada Qyrǵyzstan prezıdenti Sadyr Japarov Energetıka mınıstrligine elektr energııasyna shekteýsiz tarıf qoldanýdy toqtatýdy tapsyrdy.
El mektepterinde energııany únemdeý sharalary engizildi.
Al Bishkekte meıramhanalar, barlar men klýbtar keshki saǵat 22:00-den keıin jabylady.
Qyrǵyzstanda elektr energııasy tapshylyǵyna ne sebep bolǵanyn myna materıaldan oqı alasyz.