Qyrǵyzstanda eldiń memlekettik rámiziniń logotıpi ázirlendi

BІShKEK. KAZINFORM — Qyrǵyzstanda eldiń ulttyq tabıǵaty men mádenıetiniń sımvoly mártebesin berý úshin qar barysynyń logotıpi ázirlendi, dep habarlaıdy Kazinform agenttiginiń menshikti tilshisi. 

Qyrǵyz Respýblıkasynyń Mınıstrler kabıneti «Qyrǵyz Respýblıkasynyń ulttyq rámizi retinde qar barysy mártebesin taný týraly» qaýly jobasyn qoǵamdyq talqylaýǵa shyǵardy.

Qujatqa sáıkes, qar barysynyń logotıpin ulttyq jáne halyqaralyq deńgeıde qoldaný usynylyp otyr.

Kelesi jaǵdaılarda:

* ulttyq merekeler men este qalarlyq datalardaǵy kórkem bezendirýdiń turaqty elementi retinde;

* Qyrǵyz Respýblıkasynyń monetalary men banknottarynda;

* Memleket basshysynyń № 1 bortynda;

* arhıtektýralyq elementterde (ǵımarat qasbetteri, sýburqaqtar, músinder jáne barelefter);

* tabıǵat, mádenı mura jáne bıik taýly ekojúıelerdiń bıologııalyq ártúrliligin qorǵaýǵa baǵyttalǵan bilim berý baǵdarlamalary men ǵylymı jobalarda.

Zańdy tulǵalar men jeke kásipkerlerdiń logotıpti paıdalanýyna myna jaǵdaılarda jol beriledi:

* ónimderge, sonyń ishinde kádesyılarǵa;

* ǵımarattarda, qurylystarda, kólikterde jáne obektilerde;

* BAQ-ta jarııalanatyn týrıstik baǵdarlar men jarnamalyq naýqandardyń bóligi retinde.

Logotıpti ulttyq kompanııalar men uıymdar paıdalana alady:

* halyqaralyq is-sharalarǵa arnalǵan prezentatsııalardy, býkletter men kádesyılardy bezendirýde;

* halyqaralyq naryqtarda Qyrǵyzstanda óndirilgen ónimdi anyqtaý úshin; • týrıstik jarnamada jáne ınternet saıttarynda.

Qar barysy beınelengen ulttyq logotıp Qyrǵyz Respýblıkasynyń vızýaldyq nyshany ǵana emes, sonymen birge halyqtyń eń mańyzdy qundylyqtary — erkindik, kúsh-qýat, tektilik jáne damýǵa degen umtylystyń tuǵyry bolǵany atap ótildi. Ol zaman rýhyn, bolashaqqa umtylys, mádenı bastaýlarǵa degen qurmetti tanytady.

Eske sala ketsek, qar barysy Qyrǵyzstannyń ulttyq sımvolyna aınaldy. Qyrǵyzstan prezıdenti Sadyr Japarov tıisti jarlyqqa qol qoıdy.