Qyrǵyzstanda balmuzdaq tıegen júk kóligi 29 balany qaǵyp ketti, 7-eýi jansaqtaý bóliminde
ASTANA. KAZINFORM – Qyrǵyzstannyń Jalal-Abad oblysynyń Sozaq aýdanynda 2 mamyr kúni saǵat 13:30 shamasynda balmuzdaq tıegen shaǵyn júk kóligi 29 balany qaǵyp ketti, dep habarlady Kabar agenttigi.
Qyrǵyzstan Densaýlyq saqtaý mınıstrligi zardap shekken balalardyń 9 ben 16 jas aralyǵynda ekenin málimdedi. Qazirgi ýaqytta 7 bala oblystyq aýrýhanada jatyr, úsheýiniń jaǵdaıy aýyr.
Sozaq aýdandyq aýrýhanasynda 3 bala bolsa, ortalyq aýrýhanada 8 bala jatyr. Olardyń jaǵdaıy ortasha aýyr dep baǵalandy.
Oqıǵa ornynda 11 balaǵa medıtsınalyq kómek kórsetilip, ambýlatorlyq emdeýge jiberildi.
Qyrǵyz Respýblıkasynyń Densaýlyq saqtaý mınıstri Alymqadyr Beıshenalıev zardap shekkenderge kómek kórsetý máselesin jeke baqylaýyna alyp, olarǵa sapaly medıtsınalyq kómek kórsetýdi, dári-dármekpen qamtamasyz etýdi tapsyrdy.
