Qyrǵyzstan saýdagerler úshin patent júıesin qaıta engizdi

ASTANA. KAZINFORM - Qyrǵyzstanda salyqtyq ákimshilendirýge birqatar ózgeris engizildi, dep habarlaıdy Kazinform tilshisi.

Qyrǵyzstan prezıdenti «kásipkerlik sýbektilerin qoldaý sharalary, salyq jáne salyqtyq ákimshilendirý mólsherlemelerin ońtaılandyrý týraly» Jarlyqqa qol qoıdy.

Qyrǵyzstannyń memlekettik salyq qyzmetiniń málimetinshe, kásipkerlerdi qoldaý jáne salyq júktemesin azaıtý maqsatynda elde saýda qyzmetin júzege asyratyn kásipkerler úshin patenttik júıe engizildi. Bıznes jyldyq tabysqa baılanysty salyq tóleıdi.

Ózgeristerge sáıkes, 0,5% salyqty qoldaný úshin kiris shegi 30-dan 50 mıllıon somǵa deıin ulǵaıtyldy, al 0,1% jáne 1% stavkalar joıyldy. Zergerlik sala úshin jańa salyq stavkasy-0,25% belgilendi. Iesi anyqtalmaǵan sýbektilerdiń atyna taýarlardy ótkizý kezinde satýdan alynatyn salyq stavkasy tómendetildi-2% (buryn 4%), onyń atyna nemese úshinshi tulǵanyń atyna alynǵan jáne aýdarylǵan aqsha qarajatynyń somasynan týyndaıtyn QR-daǵy kózden alynatyn tabysqa 0,2% mólsherinde stavka belgilendi. Salyq tóleýshiler memleket muqtajy úshin jyljymaıtyn múlikti aıyrbastaǵan jaǵdaıda (mektepter, jol salý jáne basqalar) salyqtan bosatylady.

Esterińizge sala keteıik, Qyrǵyzstanda saýda patenti 2024 jyldyń 1 shildesinen bastap joıyldy. Buǵan deıin elde salyqtyq ákimshilendirý rásimi jeńildetilgeni habarlanǵan bolatyn. Osy jyldyń qańtarynda Qyrǵyzstanda kólik salyǵy alynyp tastaldy jáne salyqtyq raqymshylyq jarııalandy.

Osyǵan deıin Qyrǵyzstanǵa túsken aqsha aýdarymdary $246,5 mln-ǵa jetkeni týraly habarladyq.