Qyrǵyzstan halqynyń sany 7 mln 337 myń adamǵa jetti

ASTANA. KAZINFORM — 2025 jylǵy 1 shildedegi jaǵdaı boıynsha eldegi turaqty halyq sany 7 mln 337 myń adamdy qurady, dep habarlaıdy Kabar.

Bul týraly Qyrǵyz Respýblıkasy Ulttyq statıstıka komıteti málim etti.

2025 jyldyń qańtar–maýsym aılarynda halyq sany 55,6 myń adamǵa nemese 0,8 paıyzǵa ósken.

Osy kezeńde Azamattyq hal aktilerin tirkeý (AHAT) organdarynda 65 myń náreste tirkelgen, bul 1000 turǵynǵa shaqqanda 17,9 kórsetkishin quraıdy (2024 jyldyń alǵashqy jartyjyldyǵynda bul kórsetkish — 19,3 bolǵan).

Al qaıtys bolǵandar sany 16,1 myń adamdy qurady, bul 1000 adamǵa shaqqanda 4,4 (2024 jyldyń sáıkes kezeńinde — 4,5 bolǵan).

2025 jyldyń alǵashqy alty aıynda Qyrǵyzstandaǵy tabıǵı ósim 48,9 myń adamdy qurap, 1000 turǵynǵa shaqqanda 13,5 boldy (2024 jyly — 14,8).

Eń joǵary tabıǵı ósim Batken, Osh jáne Jalal-Abad oblystarynda tirkeldi.

Eń tómen kórsetkishter Bishkek qalasy men Ystyqkól oblysynda baıqaldy.

Osydan buryn Qazaqstan men Qyrǵyzstan memleketteri basshylarynyń Birlesken málimdemesi qabyldanǵanyn jazǵan edik.