Qyrǵyz-Qytaı shekarasynda túnde jer silkinisi tirkeldi

ASTANA. KAZINFORM – 10 qańtar kúni saǵat 23:48-de Qyrǵyz-Qytaı shekarasyna jaqyn jerde epıtsentrinde magnıtýdasy 4,5 baldyq jer silkinisi tirkeldi, dep habarlaıdy Kazinform Kabar aqparat agenttigine silteme jasap.

Qyrǵyz Respýblıkasy Ulttyq ǵylym akademııasynyń Seısmologııa ınstıtýtynyń málimetinshe, zilzala oshaǵy Qytaı aýmaǵynda, Bedel aýylynan ońtústik-shyǵysqa qaraı 53 shaqyrym, Aq-Shyıraq aýylynan ońtústik-shyǵysqa qaraı 57 shaqyrym, Qumtór kenishinen ońtústik-shyǵysqa qaraı 95 shaqyrym, Qarakól qalasynan ońtústik-shyǵysqa qaraı 130 shaqyrym jerde jatyr.

Qyrǵyz Respýblıkasynyń eldi mekenderinde jer silkinisiniń kúshi Bedel aýylynda 3 ball shamasynda boldy.

Osyǵan deıin 8 qańtar kúni Qytaıdyń soltústik batysyndaǵy Tsınhaı provıntsııasynda 5,5 baldyq jer silkinisi bolǵanyn habarlaǵan edik.