Kıno álemi: osy aptadaǵy basty premeralar qandaı
Osy aptada kınoteatrlar repertýary kórermen talǵamyna saı jańardy. Kóńil kóteretin komedııalarmen qatar, shytyrman oqıǵaǵa toly mýltfılmder prokatqa shyqty. Sondaı-aq otandyq detektıv janryndaǵy jańa týyndy da kópshilik nazaryna usynyldy. Janrlar toǵysqan apta kınopremeralary týraly Kazinform tilshisiniń sholýynan bile alasyzdar.
Alaıaqtar (Moshennıkı) 9.2⭐
Janry: Detektıv, drama
Uzaqtyǵy: 110 mınýt
El: Qazaqstan, 2026
Rejısser: Oljas Nurbaı
Damır — ómir boıy alaıaqtyqpen aınalysqan aılaker. Onyń eń aýqymdy jospary — óz bankin ashyp, mıllıardtaǵan qarjyny jymqyrý. Biraq qylmystyq orta ókili Erlan ony qolǵa túsiredi. Damır óz ómiri úshin qaýiptenip, buryn jasaǵan barlyq alaıaqtyq áreketterin áshkereledi.
Neapol – Nıý-Iork 6.7⭐
Janry: Drama
Uzaqtyǵy: 124 mınýt
El: Italııa, 2024
Rejısser: Gabrıele Salvatores
Karmıne men Selestına - soǵystan keıin Italııadaǵy kedeılikten qutylýǵa tyrysady. Osylaısha eki bala Neapolden Nıý-Iorkke bet alǵan kemege jasyryn túrde minip alady. Bul jolda olar eki jyl buryn Amerıkaǵa qonys aýdarǵan Selestınanyń ápkesin tabýdy armandaıdy.
Italııadaǵy boıdaq (Holostıak v Italıı) 5.8⭐
Janry: Komedııa, melodrama
Uzaqtyǵy: 100 mınýt
Rejısser: Charlz Frensıs Kınnen, Denıel Kınnen
Mettiń qalyńdyǵy Italııada úılený toıyn ótkizýdi armandady. Met oǵan qarsy kelmedi. Ol qalyńdyǵynyń úlken otbasynyń jol shyǵyndaryn tolyq tóledi. Sán-saltanatty toı rásimin de ózi uıymdastyrdy. Bal aıynyń barlyq shyǵynyn da óz moınyna aldy. Biraq neke qııý sátinde qalyńdyǵy oǵan turmysqa shyǵýdan bas tartady. Ne isterin bilmegen Met josparlanǵan saparǵa jalǵyz ózi attandy.
Jynnyń ashylýy (Vskrytıe demona) 8.0⭐
Janry: Ýjas
Uzaqtyǵy: 91 mınýt
El: AQSh, 2026
Rejısser: Djeremı Kıpp
Rebekka Oýens medıtsına ýnıversıtetin bitirgen. Ol Rıver Fılds qalasyndaǵy máıithanada patologoanatomnyń assıstenti bolyp jumysqa ornalasady. Onyń jumysy túngi aýysymnan bastalady. Alǵashqy túnniń ózinde ol máıithanadaǵy tylsym qubylysty baıqaıdy. Belgisiz kúsh onyń janyna ıe bolýǵa tyrysady. Rebekka tiri qalý jolyn izdeıdi. Ol tálimgeriniń qupııalaryn ashady. Óz qorqynyshyn jeńý úshin tozaqpen teń synaqtardan ótedi.
Gremlınderdiń oralýy (Vozvraşenıe gremlınov) 5.5⭐
Janry: Fantastıka, ýjas, komedııa
Uzaqtyǵy: 96 mınýt
El: Fınlıandııa, 2026
Rejısser: Marko Mıakılaakso
Amerıkalyq Zak dostarymen birge Fınlıandııadaǵy taý shańǵysy kýrortynda týǵan kúnin atap ótedi. Alaıda kóp uzamaı «Qubyjyqtar festıvali» ótip jatqan bul kýrortty kishkentaı zulym jaratylystar basyp alady.
Mahabbatymnyń boztorǵaıy (Korolek moeı lıýbvı) 5.5⭐
Janry: Komedııa, mıýzıkl
Uzaqtyǵy: 111 mınýt
El: Reseı, 2026
Rejısser: Marıýs Vaısberg
Adal ári eldiń súıikti polıtseıi Ramashtyń arqasynda Hýrmada qalasynda tynyshtyq pen tártip ornaǵan. Kezekti jumys kúninde ol aılaker ári ashkóz qylmysker Shamarǵa qarsy kúreske shyǵady. Asyrap alǵan ata-anasynyń tárbıesinde ósken Shamar qalada birqatar qylmys uıymdastyrady. Al polıtseı Ramash Hýrmada qalasyn qorǵaýǵa kirisedi. Teketires kezinde Ramash pen Shamardyń bala kezinde bir-birinen aıyrylyp qalǵan aǵaıyndy ekeni anyqtalady. Tergeý olardyń ata-anasynyń ómirin qıǵan alapat órttiń artynda kim turǵanyń ashady. Ol — Hýrmadanyń basty metsenaty ári qamqorshysy Sandýrlaı. Endi olar betpe-bet kelip, kúresýge májbúr bolady.
Ǵaryshtan kelgen vampır-zombıler! (Vampıry-zombı ız kosmosa!) 10.0⭐
Janry: Fantastıka, ýjas, komedııa
Uzaqtyǵy: 98 mınýt
El: Kanada, 2024
Rejısser: Maıkl Stasko
1957 jyl. Bir top jergilikti turǵyndar Drakýlanyń Marloý atty kishkentaı qalanyń halqyn vampır-zombı armııasyna aınaldyrý josparyn buzýǵa tyrysady.
Orman balalary 2 (Detı lesa 2) 4.5⭐
Janry: Otbasylyq fentezı
Uzaqtyǵy: 102 mınýt
El: Germanııa, 2026
Rejısser: Sven Ýntervaldt ml.
Qasqyr adam Qarag pen dostary Brendon, Hollı jáne Lý úshin jańa oqý jyly bastalady. Qarag mektepti Mıllıng atty zulymnyń qaharynan qorǵaýy kerek bolady. Al Mıllıng oǵan otbasyn tabýǵa kómektesetinin ýáde etedi. Balalyqpen Qarag kelisedi, biraq mektep úlken qaýip-qaterge ushyraıdy. Bul tusta Qaragqa tek qarly qasqyr qyz Tıkaanı kómektese alady. Endi basty suraq: olar bir-birine shynaıy senim arta ala ma?
Sýper Marıo: Ǵaryshtyq kıno (Sýper Marıo: Galaktıcheskoe kıno) 8.7⭐
Janry: Shytyrman, komedııa, mýltfılm, fentezı
Uzaqtyǵy: 95 mınýt
El: Japonııa, AQSh, 2026
Rejısser: Aaron Horvat, Mıhael Elenık
Boýzerdi jeńip, Brýklındi qutqarǵannan keıin Marıo jańa qaterge tap bolady. Ol zulym Varıo men kishkentaı Boýzerdiń odaqtasýyna qarsy turýy kerek. Dostarymen birge Marıo alystaǵy galaktıkalyq álemderge ǵaryshtyq saparǵa shyǵady. Olar jańa synaqtardy eńseredi jáne álemge bılik ornatý josparyna kedergi jasaıdy.
Ótken aptadaǵy kınopremeralar tizimin osy jerden kóre alasyzdar.