Kinásiz adam qylmystyq jaýapkershilikke tartylmaýy tıis - Іshki ister mınıstri

ASTANA. QazAqparat - Kinásiz adam qylmystyq jaýapkershilikke tartylmaýy tıis. Bul týraly Іshki ister mınıstri Marat Ahmetjanov aıtty, dep habarlaıdy QazAqparat tilshisi.

ІІM Kóliktegi polıtsııa departamentiniń baspasóz qyzmetinen málim etkenindeı, m ınıstr Prezıdent Qasym-Jomart Toqaevtyń ishki ister organdarynyń aldyna qoıǵan basym mindetterine toqtaldy.

«Aýqymdy reformalardy júzege asyra otyryp, quqyq qorǵaý júıesin dáıekti túrde transformatsııalaý negizgi baǵyt bolyp tabylady», - dedi ІІM basshysy.

Ol qylmystyq jáne qylmystyq is júrgizý zańnamalaryn jetildirý, qylmystyq úderisti tsıfrlandyrý jaǵdaıynda qyzmetkerlerdiń kásibı deńgeıin arttyrý úzdiksiz talap etiletinine nazar aýdardy.

«Іsti tergeý kezinde tergeýshi bolǵan oqıǵanyń shynaıy beınesin anyqtaýǵa mindetti. Oqıǵa ornyn durys tekserý - qylmystyq is boıynsha dálelderdiń negizgi kózi jáne sátti tergeýdiń kepili. Kinásiz adam qylmystyq jaýapkershilikke tartylmaýy tıis», - dep atap ótti Marat Ahmetjanov.

Mınıstrdiń pikirinshe, ádeptilik pen quzyrettilik - polıtsııa qyzmetkeriniń eń mańyzdy qasıetteri.

Semınar-trenıngte sondaı-aq ІІM tergeý departamentiniń bastyǵy Sanjar Ádilov, kóliktegi polıtsııa departamentiniń bastyǵy Ońal Bekeev jas tártip saqshylaryna tergeý jumysynyń erekshelikteri jóninde aıtyp berdi.

Trenıngke ІІM, Astana qalasy, Aqmola, Qaraǵandy jáne Pavlodar oblystary polıtsııa departamentteriniń qyzmetkerleri, prokýratýra ókilderi, birqatar JOO stýdentteri qatysyp, pikir almasty.