Kım Chen Yn Reseıge bardy

MÁSKEÝ. QazAqparat – Soltústik Koreıa kóshbasshysy Kım Chen Yn Reseıge resmı saparmen bardy, dep málim etti Tabıǵatty qorǵaý mınıstri jáne KHDR-men saýda-ekonomıkalyq jáne ǵylymı-tehnıkalyq seriktestik boıynsha úkimetaralyq komıssııa tóraǵasy Aleksandr Kozlov Telegram-arnasynda. Bul týraly QazAqparat RIA Novostı-ge silteme jasap habarlaıdy.

«Soltústik Koreıa kóshbasshysyn kútip aldym. Kım Chen Yn resmı saparmen Reseıge keldi», - dep jazdy ol.

Kezdesý KHDR-men shekaradaǵy Prımore ólkesi Týmannaıa ózeni ústindegi kópirde boldy. Mınıstr Kım Chen Ynnyń poıyzdan shyǵyp jatqan vıdeosyn jarııalady, perronda áskerı orkestr oınap tur.
Kútip alý saltanaty aıaqtalǵan soń Soltústik Koreıa basshysy Prımore gýbernatory Oleg Kojemıako men Tabıǵatty qorǵaý mınıstrligi basshysymen kelissóz júrgizdi.

«Biz burynnan kórshilerimizben jaqsy qarym-qatynastamyz, aýyl sharýashylyǵy, qurylys, týrızm men basqa salalardaǵy seriktestiktiń áleýeti joǵary» , - dep jazdy Kojekmıako Telegram-arnasynda.

Kremldiń habarlaýy boıynsha, sapar barysynda Vladımır Pýtın Kım Chen Ynmen jeke jáne keńeıtilgen qurammen kelissóz júrgizedi. Oǵan qorǵanys mınıstri Sergeı Shoıgý da qatysady.
Bul saparǵa Kım Chen Ynmen birge Syrtqy ister mınıstri Chhve Son Hı, Koreıa Eńbek partııasy OK áskerı basqarma bólimshesiniń basshysy Pak Chon Chhon, Ortalyq áskerı komıtet basshysynyń orynbasary Lı Ben Chhol kelgen.
Buǵan deıin Soltústik Koreıa kóshbasshysy 2019 jyldyń sáýirinde Vladıvostokqa kelgen edi. Ol 2011 jyly qyzmetine kirisken Kım Chen Ynnyń Reseıge alǵashqy sapary bolatyn.