Kılıan Mbappe byltyr 56 oıynda 56 gol soqty

ASTANA. QazAqparat - Frantsııa quramasy men PSJ komandasynyń shabýylshysy Kılıan Mbappe ótken jyldyń qorytyndysymen Eýropanyń alǵashqy bestiktegi chempıonat oıynshylary arasynda úzdik surmergen atandy, dep habarlaıdy QazAqparat tilshisi.

24 jastaǵy frantsııalyq shabýylshy barlyq deńgeıdegi 56 oıynda 56 gol soqty. Ol bıyl «Altyn dop» baıqaýynda daýys berý nátıjesinde altynshy orynǵa turaqtady.

Shabýylshy Frantsııa chempıony atanyp, sýperkýbokty tóbesine kóterdi. Óz eliniń quramasymen Qatarda ótken álem chempıonatynda fınalǵa deıin jetti.

Kılıan Mbappe Frantsııanyń birinshi lıgasynda bıyl da gol soǵýdan kósh bastap tur. Qazir onyń enshisinde 15 kezdesýden keıin 13 gol bar.

Eske salsaq, Qazaqstan ulttyq quramasynyń bapkeri Magomed Adıev «Jyl bapkeri» nomınatsııasynda úzdik atandy.

Foto: GETTYIMAGES