Kıik aýlaý kimderge ruqsat etilmek

ASTANA. KAZINFORM – Jaqynda kıik sanyn retteýge, aýlaýǵa qatysty ǵalymdardyń bıologııalyq negizdemesin Zoologııa ınstıtýty daıyndaǵany málim boldy. Osy oraıda QR Ekologııa jáne tabıǵı resýrstar mınıstrligi osy máselege qatysty túsinik berdi.

- Qazir kıikterdiń popýlıatsııasyn retteý máselesi Qazaqstan úshin mańyzdy sanalady. Osyǵan baılanysty Zoologııa ınstıtýtynyń ǵalymdary jan-jaqty zerttep, bıologııalyq negizdeme ázirledi. Bul negizdeme kıikterdiń ekojúıedegi rólin, olardyń popýlıatsııalyq dınamıkasyn jáne mekendeý ortasynyń syıymdylyǵyn eskere otyryp jasalǵan. Júrgizilgen ǵylymı zertteýler nátıjelerine sáıkes, Betpaqdala jáne Oral kıikter taralymdaryndaǵy popýlıatsııa tyǵyzdyǵyn ońtaılandyrý maqsatynda retteý sharalaryn qoldaný qajettiligi týyndady. Atap aıtqanda, atalǵan taralymdardaǵy kıikterdiń jalpy sanynyń 20 paıyzyn alýǵa (aýlaýǵa) usynys berildi, - delingen mınıstrliktiń Kazinform agenttigine bergen jaýabynda.

Mamandardyń paıymansha, bul usynys kıikterdiń genetıkalyq ártúrliligin saqtaýǵa, tabıǵı tepe-teńdikti qalpyna keltirýge baǵyttalǵan.

Bul turǵyda kıikterdiń sany atý nemese torǵa túsirý arqyly retteledi. .

- Kıikterdiń sanyn retteý maqsatynda júrgiziletin sharalar «Ohotzooprom» ÓB» RMQK-ǵa júkteledi. Bul memlekettik mekeme kıikterdi aýlaý jumystaryn uıymdastyrýǵa jáne júzege asyrýǵa jaýapty bolady. Atalǵan jumystardy «Ohotzooprom» ÓB» RMQK ózdiginen júrgizýmen qatar, yntaly jeke nemese zańdy tulǵalar ókilderin tarta otyryp oryndaıdy, - dep atalyp ótken vedomstvo aqparatynda.

Eske salsaq, jaqynda Ekologııa jáne tabıǵı resýrstar mınıstri Erlan Nysanbaev ǵalymdardyń bıologııalyq negizdemesi aıasynda Qazaqstanda kıikterdiń 20 paıyzy retteýge jatatynyn aıtty.

Budan buryn habarlanǵandaı, mınıstr maýsym aıynyń basynda ǵalymdar kıik sanyn retteý týraly bıologııalyq negizdemeni qashan ázirleıtinin aıtqan edi.

Eger kıikti aýlaýǵa ruqsat berilse, bul is-sharalar kúzde bastalady.