Kıiktiń neden qyrylǵanyn jarııa etý úshin AShM ǵalymdardyń jaýabyn kútip otyr

ASTANA. QazAqparat - Byltyr Qazaqstanda kıikterdiń jappaı qyrylýyna qorǵaý jumystarynyń nasharlyǵy emes, aýrý sebep boldy. Aýrýdyń shyǵýyna ne sebep bolǵanyn bizdiń otandyq jáne sheteldik ǵalymdar naqty aıta almaı otyr, deıdi AShM Janýarlar dúnıesi jáne ańshylyq sharýashylyǵy basqarmasynyń basshysy Baqytbek Dúısekeev.

«Byltyr kıikterdiń jappaı qyrylýy - qorǵaý jumystarynyń nashar bolǵanynan emes, aýrýdyń bastalǵanynan boldy. Aýrýdyń shyǵýyna ne sebep bolǵanyn bizdiń otandyq jáne sheteldik ǵalymdar da naqty aıta almaı otyr», - deıdi B.Dúısekeev.

ıAǵnı, ázirge, kıikter pasterellez aýrýynan qyryldy degen nusqa saqtalady.

B.Dúısekeevtiń aıtýynsha, kıikterdiń neden qyrylǵanyn anyqtaıtyn - QR Bilim jáne ǵylym mınıstrliginiń ǵalymdary.

«Bilim jáne ǵylym mınıstrligi Bıologııalyq qaýipsizdik problemalary ǵylymı-zertteý ınstıtýty «2012-2014 jyldarǵa arnalǵan profılaktıkalyq tásilderdi ázirleý jáne QR aýmaǵynda mekendeıtin kıikter popýlıatsııasynyń juqpaly aýrýlarynyń aınalymyn monıtorıngteý boıynsha ǵylymı-tehnıkalyq baǵdarlamany» júzege asyrǵan.  Baǵdarlamanyń bıýdjeti 300 mln teńge dep otyrsyzdar (...). Biraq, Aýyl sharýashylyǵy mınıstrligi bul baǵdarlamaǵa tapsyrys bergen joq. ıAǵnı, bıýdjeti de Bilim jáne ǵylym mınıstrliginiki, sáıkesinshe, baǵdarlamaǵa bólingen bıýdjettiń nátıjesi týraly da Bilim jáne ǵylym mınıstrligi esep beredi. Olardyń bizge aıtqany - osy baǵdarlama aıasynda pasterellezge qarsy vaktsına jasalǵan. Biraq, vaktsınany dalada paıdalaný úshin biraz ýaqyt kerek. ıAǵnı, vaktsınany aprobatsııadan ótkizý úshin zań boıynsha eki jyl ýaqyt kerek», - dedi B.Dúısekeev.