Kıikterdi tálimbaqta ustaýdyń ne keregi bar
«Kıikterde pasterellez degen indet bar. Tarıhqa súıensek, ár 6-7 jylda qaıtalanyp turady. 2015 jyly Betpaqdala popýllıatsııasynyń kıikteri 90 paıyzy qyrylyp qalǵany esterińizde shyǵar. Osyndaı jaǵdaılarda kıikti saqtap qalý maqsatymen tálimbaqqa ósirý kózdelip otyr. Jartylaı erkindikte ustalatyn kıikterge pasterellez sııaqty indetterge qarsy ekpe egiledi. Daladaǵy kıikter pasterellez indetinen, basqa da aýrýlardan qyrylatyn bolsa, tálimbaqta ósiriligen kıikterdiń esebinen qalpyna keltirý úshin paıdalanylady», - dedi sarapshy.
Buǵan deıin atalmysh maman kıikterdi tálimdaqta baǵý úshin jyl saıyn 250 mln teńge jumsalatynyn aıtqan bolatyn.
«Ǵylymı-tehnıkalyq baǵyttaǵy qarjylandyrýǵa ótinim berilgen. Sol ótinim maquldandy. Endi bıýdjetti naqtylaý kezinde, naýryz aıynda bul aqshalar qarastyrylady. Jylyna 250 mln teńge, sonda úsh jylǵa 750 mln teńge bólý kózdelip otyr», - dedi sarapshy.
Al Orman sharýashylyǵy jáne janýarlar álemi komıtetiniń tóraǵasynyń orynbasary Andreı Kımniń aıtýynsha, tálimbaqtaǵy kıikterdi úı haıýanaty retinde qolǵa úıretý tájirıbesi de júrgizilmek.
«Mysaly, maral kezinde jabaıy ań bolsa, qazir jartylaı qolǵa úıretilgen túr bolyp esepteledi. Kıikti de osy maqsatqa paıdalaný máselesi zerttelip jatyr», - dedi komıtet basshysynyń orynbasary.
Foto: gov.kz
