Kıevtegi Qazaqstan elshiligi shtattyq rejımde jumys istep tur – QR SІM

NUR-SULTAN. QazAqparat – Ýkraına astanasy Kıevtegi Qazaqstannyń elshiligi shtattyq rejımde jumys istep tur. Bul týraly QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Ýkraınadaǵy qazaqstandyqtardyń nazaryna - qulaqqaǵys. Ondaǵy azamattar bizdiń elshilikke habarlasyp, ornalasqan jeri men ózine qatysty málimetterdi usynýy qajet jáne múmkindik bolsa Kıev jáne Lvov qalasyna óz betimen barýlaryn suraımyz. Árıne, eldegi áskerı áreketterge baılanysty jetý qıyndyq týdyrýy múmkin. Ondaı jaǵdaıda qazaqstandyqtar ornynda qalǵany durys. Elshilik janynan «jedel jeli» ashyldy, sonda habarlasyp, jaǵdaıdy bile alady», - Aıbek Smadııarov mınıstrlikte ótken baspasóz máslıhatynda.

Onyń aıtýynsha, azamattardy elge qaıtarý jolynda barlyq múmkindik pen jaǵdaı jasalady.

«Kıevtegi bizdiń elshilik shtattyq rejımde jumys istep tur. Elshilikte 8 adam jumys isteıdi. Sondaı-aq, Kıevtegi elshilikte 26 adam boldy. Onyń ishinde 8 adam elshilik qyzmetkeri, 18-i Qazaqstan azamaty jáne 6 bala bar», - deıdi ol.

Buǵan deıin qazaqstandyqtar mingen 3 avtobýstyń Ýkraına shekarasynda kepteliste turǵany aıtyldy.