QHL: Búgin «Barys» elordada Reseıdiń «Torpedo» komandasymen oınaıdy

ASTANA. KAZINFORM - Qazaqstandyq «Barys» komandasy búgin, 30 qyrkúıekte Qurlyqtyq hokkeı lıgasyndaǵy kezekti oıynyn elordada Reseıdiń «Torpedo» (Nıjnıı Novgorod) komandasyna qarsy ótkizedi.

Oıyn elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 40 márte kezdesken. Onyń 22-i elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.

Keıingi tórt kezdesýdiń úsheýinde qazaqstandyq klýb atalǵan qarsylasyna ese jiberdi.

Qazaqstandyq komanda budan keıingi úsh oıynyn syrt alańda ótkizedi. Aldymen 3 qazanda Reseıde «Spartak» (Máskeý) komandasymen oınasa, odan keıin 5 qazanda «Avangard» (Omby), 7 qazanda «Avtomobılıst» (Ekaterınbýrg) komandasymen sheberlik baıqasady.

Eske salsaq, budan buryn «Barys» «Vıtıaz» komandasynan óz aıdynynda jeńilip qaldy.