QHL: «Barys» overtaımda «Sıbır» komandasynan jeńilip qaldy

ASTANA. KAZINFORM — Qazaqstandyq «Barys» komandasy búgin, ıaǵnı 5 qazanda Qurlyqtyq hokkeı lıgasyndaǵy kezekti oıynyn elordada Reseıde «Sıbır» (Novosibir) komandasyna qarsy ótkizdi.

Bıyl «Barys» on kezdesýdiń tórteýinde basym túsip, qalǵanynda jeńilistiń aşy dámin tatty. 
Al «Sıbır» on kezdesýdiń tórteýinde qarsylasyn qapy qaldyrdy.

Týrnır kestesinde «Barys» 11 upaımen 15 orynǵa jaıǵassa, «Sıbır» 8 upaımen 20 orynda keledi.

Eki komanda úshin búgingi oıynda jeńis qajet bolatyn. Sondyqtan alǵashqy mınýttan olardyń tarapynan belsendilik baıqaldy. Dese de negizgi kezeńde bir-biriniń qaqpasynan sańylaý taba alǵan joq. Oıyn overtaımǵa ulasyp, sol arqyly jeńimpaz anyqtaldy. Bul kezeńde Nıkıta Soshnıkov mergendik tanytty.

Elordalyq klýb taǵy eki oıynyn syrt aıdynda ótkizip, Reseıde 7 qazanda «Ak Bars» (Qazan), 9 qazanda «Traktor» (Chelıabi) komandalaryna qarsy oınaıdy.

Aıta ketsek, bıyl elordalyq klýbpen AQSh hokkeıshileri Ien Makkosh, Maıkl Vekkone, Raılı Ýolsh, Taıs Tompson, kanadalyq Djeık Massı, reseılik Vladımır Volkov, Emıl Galımov, qazaqstandyq Kırıll Panıýkov, Kırıll Savıtskıı, Batyrlan Muratov, Roman Starchenko jáne ózge de oıynshylar kelisimshartqa qol qoıdy.

Eske salsaq, budan buryn «Barys» elordada «Lokomotıvten» jeńilip qaldy.