QHL: «Barys» qatarynan úshinshi márte jeńiske jetti

ASTANA. KAZINFORM — Qazaqstandyq «Barys» komandasy búgin, ıaǵnı 12 naýryzda Qurlyqtyq hokkeı lıgasyndaǵy kezekti oıynyn Reseıde «Admıral» (Vladıvostok) komandasyna qarsy ótkizdi.

Kezdesý barysynda komandalar tartysty oıyn ótkizdi. Alǵashqy kezeńde qarsylastar bir-biriniń qaqpasynan sańylaý taba alǵan joq. Ekinshi kezeńde qazaqstandyq klýb bir márte kózge tússe, sheshýshi kezeńde eki komanda bir-birden gol soqty.

Keıingi bes kezdesýdiń ekeýinde qazaqstandyq klýb atalǵan qarsylasyna ese jiberdi.
«Admıral» (Vladıvostok, Reseı) — «Barys» (Astana, Qazaqstan) 1:2 (0:0, 0:1, 1:1)

0:1 — Ýıllman (Massı) — 33:31

1:1 — Tertyshnyı (Starkov, Shýlak) — 43:34 GB

1:2 — Tompson (Ýıllman, Massı) — 56:32

Qaqpashylar: Kýlbakov — Boıarkın

Bul jeńisten keıin «Barys» týrnır kestesinde 53 upaımen 19-orynǵa jaıǵassa, «Admıral» 46 upaımen 20-orynda keledi.

Aıta ketsek, pleı-off kezeńine týrnır kestesinde alǵashqy 16 komanda quramyna engender shyǵa alady. Qazaqstandyq komanda keıingi tórt jylda mundaı múmkindikke qol jetkize alǵan joq.

Elordalyq klýb sapynda Ańsar Shaıhmeddenov jaraqat alǵan oıynshylar tiziminde tur. Sondaı-aq medıtsınalyq sebepterge baılanysty Emıl Galımov bul saparǵa qatysa almady.
Endi «Barys» klýby 13 naýryzda «Admıral» (Vladıvostok) klýbymen taǵy bir márte sheberlik baıqasady.

Eske salsaq, budan buryn «Barys» qatarynan ekinshi márte jeńiske jetti.