QHL: «Barys» elordada «Admıraldan» basym tústi
ASTANA. KAZINFORM - Qazaqstandyq «Barys» komandasy búgin, ıaǵnı 29 qyrkúıekte Qurlyqtyq hokkeı lıgasyndaǵy kezekti oıynyn elordada Reseıdiń «Admıral» (Vladıvostok) komandasyna qarsy ótkizdi.
Kezdesý barysynda qazaqstandyq komanda jyldam gol soǵýǵa tyrysty. Degenmen birinshi kezeńde tablodaǵy esepke ózgeris engen joq.
Ekinshi kezeńde elordalyq hokkeıshiler basymdyqty arttyra tústi. Nátıjesinde 26-mınýtta Meıson Morellı esep ashsa, 37-mınýtta Vsevolod Logvın mergendik tanytty.
Úshinshi kezeńde reseılik komanda tarazy basyn teńestirýge umtyldy. Degenmen oǵan qazaqstandyq komanda oıynshylary laıyqty toıtarys bere bildi. Esesine 57-mınýtta elordalyq Ańsar Shaıhmeddenov basymdyqty arttyrdy.
Osylaısha «Barys» qarsylasynan 3:0 esebimen basym tústi.
Endi elordalyq klýb aldaǵy oıynyn Astanada 1 qazanda Reseıdiń «Lokomotıv» (ıAroslavl) komandasyna qarsy ótkizedi.
Aıta ketsek, bıyl elordalyq klýbpen AQSh hokkeıshileri Ien Makkosh, Maıkl Vekkone, Raılı Ýolsh, Taıs Tompson, kanadalyq Djeık Massı, reseılik Vladımır Volkov, Emıl Galımov, qazaqstandyq Kırıll Panıýkov, Kırıll Savıtskıı, Batyrlan Muratov, Roman Starchenko jáne ózge de oıynshylar kelisimshartqa qol qoıdy.