QHL: «Barys» búgin elordada «Lokomotıvpen» oınaıdy

ASTANA. KAZINFORM — Qazaqstandyq «Barys» komandasy búgin, ıaǵnı 1 qazanda Qurlyqtyq hokkeı lıgasyndaǵy kezekti oıynyn elordada Reseıdiń «Lokomotıv» (ıAroslavl) komandasyna qarsy ótkizedi.

Kezdesý Qazaqstan ýaqytymen 19:30–da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 31 márte kezdesken. Onyń 10-y elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.

Keıingi bes kezdesýdiń barlyǵynda qazaqstandyq klýb atalǵan qarsylasyna ese jiberdi.
Bıyl «Barys» on kezdesýdiń beseýinde basym túsip, qalǵanynda jeńilistiń aşy dámin tatty. Al «Lokomotıv» on kezdesýdiń jeteýinde qarsylasyn qapy qaldyrdy.

Týrnır kestesinde «Barys» 11 upaımen 12 orynǵa jaıǵassa, «Admıral» 16 upaımen 1 orynda keledi.

Endi elordalyq klýb aldaǵy úsh oıynyn syrt aıdynda ótkizip, Reseıde 5 qazanda «Sıbır» (Novosibir), 7 qazanda «Ak Bars» (Qazan), 9 qazanda «Traktor» (Chelıabi) komandalaryna qarsy ótkizedi.

Aıta ketsek, bıyl elordalyq klýbpen AQSh hokkeıshileri Ien Makkosh, Maıkl Vekkone, Raılı Ýolsh, Taıs Tompson, kanadalyq Djeık Massı, reseılik Vladımır Volkov, Emıl Galımov, qazaqstandyq Kırıll Panıýkov, Kırıll Savıtskıı, Batyrlan Muratov, Roman Starchenko jáne ózge de oıynshylar kelisimshartqa qol qoıdy.

Eske salsaq, budan buryn «Barys» elordada «Admıraldan» basym tústi.