KHDR Japon teńizine qaraı eki zymyran ushyrdy

TOKIO. KIODO-QazAqparat –Beısenbi kúni Soltústik Koreıa Japon teńizine qaraı eki snarıad ushyrdy, boljam boıynsha olar qysqa qashyqtyqtaǵy ballıstıkalyq zymyrandar. Bul týraly Ońtústik Koreıa áskerılerine silteme jasap, Kýodo agenttigi jazady, dep jazady QazAqparat.

Aqparatqa sáıkes, zymyrandar Soltústik Koreıanyń shyǵysyndaǵy Hamhýn aýdanynan tańǵy 8:00-de, arasyna bes mınýt salyp ushyryldy. Olar shamamen 190 shaqyrym ushyp, 20 shaqyrymdaı bıiktikke jetken.

Japon úkimetiniń habarlaýynsha, snarıadtar Japonııanyń erekshe ekonomıkalyq aımaǵy aýmaǵyna jetpeı, teńizge tústi degen boljam bar. Snarıadtardan zardap shekkender týraly naqty málimet joq.

Ushyrý derekteri rastalsa, bul jyl basynan beri altynshy ushyrý bolady.

Japonııanyń premer-mınıstri Fýmıo Kısıda 27 qańtar kúni Tokıoda jýrnalısterge bergen suhbatynda el Úkimei zymyrandardyń sońǵy ushyrylymyna qatysty aqparat daıyndap jatqanyn málim etti.