QFF Ádilet Barmenqulovtyń basshylyqtan ketkenin rastady

ASTANA. KAZINFORM – Qazaqstan fýtbol federatsııasynyń baspasóz qyzmeti Ádilet Barmenqulovtyń federatsııa prezıdenttiginen ketkenin rastady. 

«Ol málimetti rastaımyz. Sál kútseńizder, saıtqa resmı aqparat shyǵady», - dedi federatsııadaǵylar.

Bármenqulov Qazaqstan fýtbol federatsııasynyń tizginin ustap turǵan kezde sportshylarmen, ásirese, ulttyq qurama jigitterimen emin-erkin qarym-qatynas ornata alatyn fýnktsıoner retinde kózge tústi. Onyń kezinde fýtboldan ulttyq quramanyń bas bapkeri bolyp kelgen Mogamed Adıev qazaq fýtbolynyń básin biraz deńgeıge kóterdi. Alaıda onyń ornyna memlekettik tilge qatysty daýǵa iligip úlgergen Stanıslav Cherchesovtiń saılanýyn Ádilet Bármenqulovtyń jumysyndaǵy qatelik retinde baǵalaıtyn sarapshylar kóp. Sport jýrnalısteri Á. Bármenqulovti Qazaqstan Premer lıgasynda legıonerlerdiń sanyn arttyrǵan basshy retinde synap júrdi. 

Aıta keteıik, Ádilet Nazarbaıuly QFF basshylyǵyna 2022 jyly 28 aqpanda taǵaıyndalǵan bolatyn. 

Oǵan deıin 2020-2022 – «Qazaqmys korporatsııasy» JShS Basqarma tóraǵasynyń orynbasary, «Kazakhmys Smelting» JShS Bas dırektory bolyp jumys istedi.

Eńbek jolyn Ál-Farabı atyndaǵy Qazaq memlekettik ulttyq ýnıversıtetiniń EEM matematıkalyq qamtamasyz etý kafedrasynyń assıstenti (1993-1995) bolyp bastaǵan.

1995-1999 – «Tamos Education» JAQ bilim berý mekemesiniń dırektory;

1999-2000 – «Tamos» fızıka-matematıka mektebiniń dırektory;

2000-2002 – «Munaı jáne munaı ónimderin saraptaý jáne sertıfıkattaý ortalyǵy» JShS bas dırektory;

2001-2005 – «Taımas» kompanııalar tobynyń Prezıdenti;

2005-2006 – «Atameken» Qazaqstannyń jalpyulttyq kásipkerler jáne jumys berýshiler odaǵy basqarmasynyń múshesi;

2006 – «Eýrazııalyq zertteýler ınstıtýty» qorynyń Bas dırektory;

2007-2012 - Qazaqstan Respýblıkasy Kólik jáne kommýnıkatsııa mınıstrligi Kóliktik baqylaý komıtetiniń tóraǵasy;

2012 - Qazaqstan Respýblıkasy Kólik jáne kommýnıkatsııa mınıstrligi Kólik jáne qatynas joldary komıtetiniń tóraǵasy;

2012-2014 – «Arqa» basqarýshy ınvestıtsııalyq kompanııasy» AQ Basqarma Tóraǵasy, Qaraǵandy oblysy ákiminiń keńesshisi;

2014-2016 – «Qazaqmys korporatsııasy», «Kazakhmys Holding» JShS kommertsııalyq dırektory;

2016-2022 – «Kazakhmys Smelting (Qazaqmys Smeltıng)» JShS Bas dırektory boldy.

Eske sala keteıik, buǵan deıin Qazaqstan fýtbol federatsııasynyń ulttyq qurama bapkeriniń jalaqysyna qatysty málimdeme jasaǵanyn jazǵan edik.