Kez kelgen qazaqstandyq turǵyn úıge muqtaj retinde esepke tura alatyn portal ashyldy

ASTANA. KAZINFORM — Azamattar úshin Otbasy bankiniń («Báıterek» holdınginiń enshiles uıymy) «Turǵyn úımen qamtamasyz etý ortalyǵy» aqparattyq júıesi qoljetimdi bolady. Ol orken.otbasybank.kz portalynda ornalasqan.

Azamattar 2025 jyldyń 24 mamyry saǵat 9.00 bastap osy platformada turǵyn úıge muqtaj jan retinde ótinish bere alady jáne esepke tura alady. Ol úshin qoldanystaǵy ETsQ paıdalana otyryp, saıtta avtorızatsııadan ótý qajet bolady.

2025 jyldyń 24 mamyryna deıin qazaqstandyqtar orken.otbasybank.kz jańa portalymen tanysyp, onda jarııalanǵan aqparatty qaraı alady.

Turǵyn úıge muqtaj jan retinde esepke turýǵa ótinim bergen kezde júıe úmitkerdiń talaptarǵa sáıkestigin avtomatty túrde tekseredi. Eger ol kámeletke tolǵan azamat bolsa jáne onyń, sondaı-aq otbasy músheleriniń sońǵy 5 jyl ishinde menshik quqyǵynda turǵyn úıi bolmasa, onda ol tizimge engiziledi.

Azamattardy turǵyn úıge muqtajdar esebine qoıý — memlekettik qyzmet. Bul qyzmetti kórsetý merzimi — bir jumys kúni. Eger ótinish berýshi ótinimge skanerlengen qujattardy (mysaly, turǵyn úıdiń apatty ekenin rastaıtyn qujattar) qosa berse, onda qyzmet kórsetý merzimi úsh jumys kúnin quraıdy.

ıAǵnı, eger azamat demalys kúni ótinish berse, onda esepke alý demalys kúninen keıingi jumys kúni iske asyrylady.

Júıe jyljymaıtyn múliktiń bolýyn ǵana emes, otbasylyq jaǵdaıyn, turǵyn úıge muqtaj adamnyń mártebesi men sanatyn jáne taǵy basqalaryn avtomatty túrde tekseredi. ıAǵnı, «Turǵyn úımen qamtamasyz etý ortalyǵy» júıesinde ótinish berýshiniń tsıfrlyq portreti jasalady. Bul otbasynyń quqyqtyq jáne áleýmettik mártebesin, onyń tabysyn, qandaı da bir áleýmettik tólemderdi, zeınetaqylardy nemese járdemaqylardy alýshy bolyp tabylatynyn, baspanasy bar-joǵyn kórý úshin qajet. Osy derekterge súıene otyryp, ótinish berýshige bolashaqta turǵyn úı máselesin sheshýde memlekettik qoldaýdyń ártúrli sharalary usynylatyn bolady.

Azamattardyń barlyq derekterin avtomatty túrde tekserý úshin bank 14 memlekettik derekter bazasymen jáne aqparattyq júıelermen biriktirilgen.

Turǵyn úıge muqtaj jan retinde esepke alý úshin ótinim bergen kezde árbir ótinish berýshi men onyń otbasy múshelerine derbes derekterdi jınaýǵa jáne óńdeýge kelisim berý týraly 1414 nómirinen SMS-habarlama keledi. Bul habarlamaǵa jaýap berý kerek.

Orken.otbasybank.kz portalynda turǵyn úıge muqtaj jan retinde esepke turý úshin kim ótinish bere alady?

2025 jyldyń 24 mamyrynan bastap turǵyn úıge muqtaj jan retinde esepke kelesi azamattar tura alady:

• sońǵy bes jyl ishinde menshik quqyǵynda turǵyn úıi joq, kámeletke tolǵan qazaqstandyqtar;
• jalǵyz turǵyn úıi apatty dep tanylǵan qazaqstandyqtar.

Tabysy qandaı deńgeıdegi azamattar memlekettik qoldaý sharalaryna úmitti bola alady?

Qazaqstandyqtarǵa turǵyn úı máselesin sheshýde qoldaý kórsetý olarǵa tegin páter berýdi bildirmeıdi.

Bank turǵyn úıge muqtaj azamattardyń tsıfrlyq portretin qalyptastyratyn bolady jáne olardyń áleýmettik sanatyna, otbasy tabysyna qaraı turǵyn úı máselesin sheshý quraldary usynylatyn bolady. Atap aıtsaq:

• turǵyn úıdi jaldaý aqysynyń bir bóligin sýbsıdııalaý;
• jergilikti atqarýshy organdardyń jalǵa beriletin turǵyn úıi;
• turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy sheńberinde eń tómengi bastapqy jarnamen jáne jyldyq 2%-dan (JTSM 2%-dan 2,1%-ǵa deıin) jáne 5%-dan (JTSM 5,2%-dan 5,8%-ǵa deıin) mólsherlemeleri boıynsha turǵyn úı baǵdarlamalary;
• «Naýryz» baǵdarlamasy jáne «Naýryz jumysker» baǵyty.

Memlekettik qoldaý sharalary qalaı bólinedi?

Azamattarǵa jergilikti ákimdikterden jalǵa beriletin turǵyn úı nemese áleýmettik turǵyn úı satyp alý úshin jeńildikti kredıtter berilgen kezde bank azamattardyń esepke turý kúnine negizdeletin bolady. Bul rette turǵyn úıdiń jalpy kóleminiń keminde 70% memlekettik qoldaý sheńberinde turǵyn úı máselesin sheshýge birinshi kezektegi quqyǵy bar azamattardyń sanattaryna beriletin bolady.

Memlekettik qoldaý sheńberinde turǵyn úı máselesin sheshýge birinshi kezektegi quqyq kimderge beriledi:

• Uly Otan soǵysynyń ardagerlerine, jeńildikteri boıynsha Uly Otan soǵysynyń ardagerlerine teńestirilgenderge, basqa memleketter aýmaǵyndaǵy is-qımyldar ardagerlerine;
• jetim balalarǵa, ata-anasynyń qamqorlyǵynsyz qalǵan balalarǵa;
• kóp balaly analar men kóp balaly otbasylarǵa;
• múgedek balalary bar nemese olardy tárbıelep otyrǵan otbasylarǵa;
• 1 jáne 2 toptaǵy múgedektigi bar adamdarǵa;
• jesir áıelder men tul erkekterge.

Turǵyn úıge muqtaj azamattardyń qazirgi bazasy ne bolady?

Azamattardyń barlyq qoldanystaǵy bazasy ákimdikterden 2025 jyldyń 17 maýsymynan keıin Otbasy bankine beriletin bolady. Bul merzim ákimdikterge 2025 jyldyń 24 mamyryna deıin qabyldanǵan barlyq ótinimderdi óńdeýge jáne turǵyn úıge muqtaj azamattardy esepke qoıýǵa ýaqyt jetkilikti bolýy úshin qajet.

Bank qazir azamattarǵa egov.kz bazasyna engizilgen jeke qujattar men derekterdiń ózektiligin tekserýdi usynady. Atap aıtsaq bul: jeke kýálik, otbasy jaǵdaıy, otbasy músheleri týraly derekter, jyljymaıtyn múliktiń bolýy, tirkeý mekenjaıy jáne t. b.

Sondaı-aq JSN boıynsha kezekte.kz bazasynda kórsetilgen aqparattyń durystyǵyn tekserý qajet jáne sáıkessizdikter anyqtalǵan jaǵdaıda, ózgerister engizý úshin ákimdikke jolyǵý kerek.

Sondaı-aq, ETsQ-nyń mindetti túrde bolýy jáne mobıldi azamattar bazasynda úmitkerdiń mobıldi nómiriniń tirkelýli bolýy kerek. Ony egov.kz portalynda tekserýge bolady. Bul 1414 biryńǵaı baılanys ortalyǵynan habarlamalar men SMS-parolderdi alý úshin qajet.

Ne sebepti azamattardy esepke turǵyzbaýy múmkin:

• eger sońǵy bes jyl ishinde menshik quqyǵynda turǵyn úıi bar nemese bolǵan jaǵdaıda;
• eger azamattyń paıdalanýynda memlekettik turǵyn úı qorynan berilgen turǵyn úı nemese jeke turǵyn úı qorynan jergilikti atqarýshy organ jaldaǵan turǵyn úı bolsa;
• usynylǵan qujattarda jáne (nemese) málimetterde dáıeksiz derekter bolǵan jaǵdaıda;
• eger azamat buryn memlekettik turǵyn úı qorynan turǵyn úı alǵan jáne jekeshelendirgen jaǵdaıda;
• eger azamattyń apatty dep tanylǵan jalǵyz turǵyn úıi bolsa, biraq ol basqa eldimekende ornalassa. Mysaly, apatty dep tanylǵan turǵyn úı Almaty oblysynda ornalasqan, al azamat Almaty qalasynda kezekke turýǵa talpynýda;
• eger memleket qoldaýymen ıpotekalyq zaemdardy paıdalana otyryp, menshikke turǵyn úı satyp alsa.

Otbasy bank jeńildetilgen zaemdar berý jáne memlekettik qoldaý protsesterinde tolyq ashyqtyqty qamtamasyz etedi. Turǵyn úı muqtaj azamattar esebinde turǵan jáne memlekettiń qoldaýymen óziniń turǵyn úı máselesin sheshe alǵan azamattardyń tizimderi sońǵy 2 jyl ishinde banktiń resmı saıtynda jarııalanatyn bolady.

Aıta keteıik, sot oryndaýshylar «Otbasy bank» salymshylarynan 3,4 mlrd teńge jymqyrǵan.