Keıingi eki jylda nesıe alatyndar kúrt artty - depýtat
Keıingi 2 jylda tutynýshy kredıtter aıtarlyqtaı ósti. Bul týraly Parlament Májilisinde kredıt berý kezinde táýekelderdi azaıtýǵa arnalǵan zań jobasynyń tanystyrylymynda palata tóraǵasynyń orynbasary Danııa Espaeva aıtty, dep habarlaıdy Kazinform.
Parlamenttiń bir top depýtattary bastamashy bolǵan «Qazaqstan Respýblıkasynyń keıbir zańnamalyq aktilerine kredıt berý kezinde táýekelderdi azaıtý jáne qaryz alýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasy Májiliske 20 jeltoqsanda engizildi.
«Keıingi 2 jylda tutynýshy kredıtterdiń ósý qarqyny baıqaldy. Eger 2021 jylǵy 1 qańtarda bul kórsetkish 5,8 trln teńge bolsa, 2023 jylǵy 1 qarashada onyń kólemi 13 trln teńgeni qurady, ıaǵnı ósim 2 eseden asty. Kredıt berý kóleminiń artýymen qatar problemaly qaryz alýshylardyń da sany 1 mln 200 myńnan 1 mln 600 myńǵa deıin (90 kún ishinde óz qaryzdaryn jaba alamaǵandar) ulǵaıdy», - dedi D. Espaeva.
Sonymen qatar, kollektorlyq kompanııalar portfelindegi problemaly qaryz alýshylar sany da ósti. Máselen, 2023 jylǵy 1 qarashadaǵy jaǵdaı boıynsha olardyń sany – 836 myń adam, onyń 670 myńy mıkroqarjylyq uıymdardan qaryz alǵan.
«Osyǵan deıin 20 qazanda Májiliste halyqtyń shamadan tys kredıt alýyn azaıtý jáne qarjylyq saýattylyqty arttyrýǵa arnalǵan Parlamenttik tyńdaý ótti. Osy tyńdaýdyń qorytyndysy negizinde aýqymdy usynystar ázirlendi. Bul turǵyda tutynýshy kredıt berýdi shekteý, tólem qabilettilikti tıisinshe baǵalaý, onlaın-kredıt berý sharttaryn qatańdatý, sondaı-aq problemaly qaryz alýshylarmen jumys jónindegi basqa da sharalar kirdi. Usynystardy oryndaý jónindegi sheshimderdiń bir bóligi qazirdiń ózinde osy zań jobasyna engizildi», - dedi depýtat.
