Keıbir ǵalymdarǵa ómir boıy stıpendııa tólenbek

NUR-SULTAN. QazAqparat – Elimizde keıbir ǵalymdarǵa ómir boıy stıpendııa tóleý máselesi qaralyp jatyr. Bul týraly QR Ǵylym jáne joǵary bilim mınıstri Saıasat Nurbek málim etti, dep habarlaıdy QazAqparat tilshisi.

«Ulttyq ǵylym akademııasynyń rólin arttyryp, memlekettik mártebe berý – ǵylymdy tıimdi basqarýdyń jáne ǵylymı-tehnologııalyq júıeni úılestirýdiń qajetti sharty. Qazir bizdiń mınıstrlik ulttyq ǵylym akademııasynyń qyzmetin túbegeıli ózgertý jumysy kezeń-kezeńimen júrip jatyr. Atap aıtqanda, ulttyq ǵylym akademııasyn memlekettiń (KEAQ) 100% qatysýymen kommertsııalyq emes aktsıonerlik qoǵam retindeı qurý. Bul ókilettiktiń bir bóligin múshelerdiń jalpy jınalysyna berýge múmkindik beredi. Sonymen qatar QR UǴA-nyń edáýir derbestigin qamtamasyz etedi», - dedi Saıasat Nurbek elordada ótip jatqan «Adamı kapıtal – jańa Qazaqstan damýynyń negizgi resýrsy» atty ǵylym jáne joǵary bilim forýmynda.

Sondaı-aq, mınıstr akademııa músheleri avtomatty túrde aýystyrylyp, jańa múshelerdiń saılanatyny týraly aıtty.

«Odan bólek, jańartylǵan talaptarǵa sáıkes QR UǴA Prezıdentin saılaý jáne bekitý de mańyzdy. Zeınetkerlik jasqa jetken ulttyq ǵylym akademııasynyń jekelegen múshelerine «danyshpandarǵa» ómir boıǵy stıpendııalar bólý qaralady», - deıdi ol.

Odan bólek, vedomstvo basshysy QR UǴA-nyń quzyretine ǵylym jáne forsaıt boıynsha ulttyq baıandama ázirleý, ǵylym men tehnıka salasyndaǵy granttardy, stıpendııalardy jáne syılyqtardy taǵaıyndaý ókilettiliginiń beriletini týraly sóz qozǵady.

«Memleket basshysy atap ótkendeı, QR Ulttyq ǵylym akademııasy jańǵyrtý jáne kadrlyq jańarý sharalary boıynsha ǵylymı oıdyń ortalyǵy jáne saraptamalyq qyzmetti júzege asyratyn bedeldi uıym bolatynyna senimdimin», - dedi S. Nurbek.

Buǵan deıin QR Ǵylym jáne joǵary bilim mınıstri halyq tabysyn arttyrýǵa arnalǵan baǵdarlama iske qosylatyny týraly aıtqan edi.