02:17, 23 Qańtar 2024 | GMT +6
Keptelis, janarmaı beketterinde uzyn-sonar kezek: jer silkinisinen keıin Almatyda ne bolyp jatyr
ALMATY. KAZINFORM – Almaty turǵyndary qatty jer silkinisinen keıin, qaladan jappaı kete bastady. Kóshelerde úlken keptelis paıda bolyp, janarmaı quıý beketterinde uzyn-sonar kezek qalyptasty.
Almatylyqtar áleýmettik jelilerde bolyp jatqan oqıǵalardyń fotolary men vıdeolarymen bólisip jatyr. 23 qańtar kúni saǵat 02:00-degi jaǵdaı boıynsha megapolıste joldaǵy kólik keptelisi 5 balǵa baǵalanyp otyr.
Janarmaı quıý beketterinde de kezek bar. Sondaı-aq, taksı baǵasy bir sapar úshin 5 myń teńgeden 20 myń teńgege deıin kóterilgenin aıtyp jatyr.
Al, Almaty qalasynyń Tótenshe jaǵdaılar departamenti turǵyndardy úreılenbeýge, sabyr saqtaýǵa shaqyrady.
Almatydaǵy jer silkinisine baılanysty 8 727 278 20 83 jáne 8 727 278 20 84 senim telefondary ashyldy.
