Keptelis: Almaty qalasyna 357 baǵdarsham ornatylmaq
ALMATY. KAZINFORM – Almatyda jol qozǵalysyn basqarýdyń avtomattandyrylǵan júıesine 357 baǵdarsham qosylady. Bul týraly Polisia.kz saıty jazdy.
Almaty qalasynyń ákimshilik polıtsııasy habarlaǵandaı, qazirgi ýaqytta 93 baǵdarsham nysanyn júıege qosý arqyly jol qozǵalysyn basqarýdyń avtomattandyrylǵan júıesin jańǵyrtý, qaıta qurý jáne damytý boıynsha jumystar aıaqtaldy.
Ekinshi kezeń aıasynda jol qozǵalysyn basqarýdyń avtomattandyrylǵan júıesine 357 baǵdarsham nysanyn qosý josparlanyp otyr. Bul júıe qıylystardaǵy júktemeni naqty ýaqyt rejıminde oqýǵa jáne kólik aǵyndaryn ózgertýge múmkindik beredi.
Bıyl sondaı-aq qosymsha 30 shaqyrym velosıped joldaryn jasaý josparlanǵan.
Megopolıstiń ákimshilik polıtsııasy málimdegendeı, 2023 jyly 6060 jol belgisi ornatylyp, aýystyrylǵan. 120 kóshege 305800 m2 joldy belgileý syzyqtary tóselgen. 34 qıylys aımaǵynda qozǵalys baǵytynyń traektorııasyn kórsetetin 1,7 jol tańbalaý syzyqtary syzylǵan, 65 kóshe qıylysynda velosıped baǵdarshamy ornatylǵan.
