Kentaýlyq turǵyn teris dinı aǵymdardyń materıaldaryn áleýmettik jelide taratqan

TÚRKІSTAN. QazAqparat - Túrkistan oblysy Kentaý qalasynyń turǵyny destrýktıvti dinı aǵym kóshbasshylarynyń materıaldaryn áleýmettik jelide taratqan. Onyń bul áreketi óńir polıtseıleriniń áleýmettik jelige monıtorıng júrgizý kezinde anyqtalǵan, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, ekstremızmge qarsy is-qımyl basqarmasynyń qyzmetkerleri «Vkontakte» qoldanýshylarynyń biriniń paraqshasynda dinı mazmundaǵy tyıym salynǵan materıaldardy tapqan.

«Nátıjesinde Kentaý qalasynyń turǵyny QR ÁQBtK-niń 490-babynyń 1-bóligi «dinı mazmundaǵy materıaldardy zańsyz taratý«boıynsha ákimshilik jaýapkershilikke tartylǵan. Er adamǵa qatysty ákimshilik hattama toltyrylyp, 138 900 teńge aıyppul salynǵan» delingen habarlamada.

Aıta keteıik, jyl basynan beri óńirdiń polıtseıleri destrýktıvti dinı aǵym jaqtaýshylary arasynan ákimshilik zańnamany buzǵan 350-den astam tulǵany anyqtaǵan.