Kentaýlyqtar sapaly jylýdy tutyna almaı otyr

TÚRKІSTAN. KAZINFORM - Kópqabatty úılerdiń turǵyndary qosymsha elektr peshterin qosýǵa májbúr. 

Áleýmettik jelide kentaýlyqtardyń áli de sapaly jylýdy tutyna almaı otyrǵany jaıynda vıdeo jarııalandy. ıAǵnı, qala turǵyndary 15 jeltoqsannan beri úıimiz jylymady dep shaǵymdaryn jetkizip jatyr. Sondyqtan páterlerine elektr qýatymen jylytatyn peshterdi qosýǵa májbúr. Osylaısha kentaýlyqtar jaryq júıesine de qosymsha aqy tólep otyr. Tipti, keı aılarda jaryqtyń aqysy 30 000 teńgege jýyqtap qalady eken. 

Qalalyq turǵyn úı kommýnaldyq sharýashylyq bóliminiń basshysy Talǵat Iskakovtyń aıtýynsha qazir №5 jylý energo ortalyǵynda 4 qazandyq shtattyq rejımde jumys istep tur.

«Profılaktıkaǵa 2 apta saıyn qazandyqtardy tazalap turý kerek. Sol kezde bireýi toqtatylady. Sodan jylýdyń temperatýrasy tómendep jatyr», - dedi ol.

Sondaı-aq mamandar qazir qalada ortalyq jylý júıesine zańsyz qosylǵan nysandardy anyqtaý jáne júıeden ajyratý jumystary júrip jatqanyn jetkizdi. Ázirge 100-den astam nysan boıynsha sotqa talap aryz túsirilgen. 

Aıta keteıik, jeltoqsan aıynda qatty daýyldyń saldarynan Kentaýdaǵy №5 jylý energo ortalyǵynda aqaý shyqqan bolatyn. 

Keıin ákimdik Kentaýdaǵy jylý energo ortalyǵynda jańadan eki qazandyq salynyp jatqanyn aıtty.