Kentaýdaǵy jylý energo ortalyq 10 mınýtqa óship qaldy
Kentaýdaǵy jylý energo ortalyq jaryqtyń sónýine baılanysty 10 mınýtqa óship qaldy, dep habarlaıdy Kazinform.
Áleýmettik jelide Kentaýdaǵy jylý ortalyǵynda apat bolǵany jaıynda aqparattar tarap jatyr. Sebebi, qaladaǵy kóp qabatty turǵyn úılerde jylý kúshi tómendep ketken. Sondaı-aq, kúnniń borandy bolýynan jaryq ta jıi-jıi óship qalyp jatyr. Belgili bolǵanyndaı, jylý ortalyǵyndaǵy 4 qazandyqtyń jumysy toqtap qalǵan. Osyǵan oraı, resmı jaýap bergen Kentaý qalasy ákiminiń orynbasary Qýanysh Iskakov qaladaǵy jylý energo ortalyq qalypty jaǵdaıda jumys istep jatqandyǵyn jetkizdi.
«Búgin saǵat 19:35 shamasynda jylý energo ortalyqqa keletin eki negizgi jelide jaryq sónip qaldy. Saldarynan jylý energo ortalyq tolyǵymen 10 mınýtqa óship, qaıta iske qosyldy. Qazirgi tańda jylý energo ortalyq shtattyq rejımde jumys istep jatyr», — dedi Qýanysh Iskakov.
Posmotret etý pýblıkatsııý v Instagram
