Kentaýda 25 metr bıiktikke Memlekettik Tý ornatyldy

TÚRKІSTAN. QazAqparat- Túrkistan oblysy Kentaý qalasynda 25 metr bıiktikke Memlekettik Tý ornatyldy, dep habarlaıdy QazAqparat tilshisi.

1 mamyr merekesine oraı Kentaý qalasynda «Kóktóbe» demalys aımaǵy paıdalanýǵa berildi. Jalpy quny 100,367 mln teńge bolatyn joba aıasynda 25 metr bıiktikke Memlekettik Tý ornatyldy. Jan-jaǵy abattandyrylyp, oryndyqtar, kólik turaǵy men qaýipsizdikti saqtaý maqsatynda beıne kameralar qoıyldy.

Іs-shara barysynda Kentaý qalasynyń ákimi Rashıd Aıýpov, qalalyq máslıhat hatshysy Talǵat Balabıea jáne aqsaqaldar kópshilikti merekemen quttyqtady.

Jalpy, «Kóktóbe» aımaǵy qala kóshelerimen eseptegende 540 metr bıiktikte ornalasqan. Sol tustan qalanyń barlyq aımaǵyn erkin tamashalaýǵa bolady. Búgingi tańda, qala ákimdigi tarapynan demalys aımaǵynyń mańaıyna meıramhana, qonaq úıler salýǵa ınvestorlardy tartý jumysy júrgizilip jatyr.