Kenesary kóshesinde jol jóndeý jumystary bastalady
ASTANA. KAZINFORM — «City Transportation Systems» JShS Kenesary kóshesiniń Sh. Ýalıhanov kóshesinen M. Ǵabdýllın kóshesine deıingi ýchaskesinde jol tóseminiń joǵarǵy qabatyn salý jumystarynyń júrgiziletini týraly habarlady.
Osyǵan baılanysty, aǵymdaǵy jyldyń 24 pen 26 mamyr kúnderi kórsetilgen ýchaskede kólik qozǵalysy ishinara jabylatyn bolady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen habarlamada.
