Kelisimshart boıynsha jumys isteıtinder BJZQ qoryna aqsha aýdarmasa jaýapqa tartylady

ALMATY. QazAqparat - BJZQ basqarmasy tóraǵasynyń orynbasary Sáýle Egeýbaeva ýaqytyly tólem jasamaǵan frılanserlerdiń qandaı jaýapkershilikke tartylatyny týraly aıtty, dep habarlaıdy QazAqparat tilshisi.

«Ýaqytyly jarna tólemegen agentter úshin ósim qarastyrylady. Agent degenimiz mindetti zeınetaqy jarnasyna aqsha aýdarýǵa tıis zańdy, jeke tulǵalar. Ákimshilik quqyqbuzýshylyq týraly zań turǵysynan olarǵa birinshi kezde aıyppul salynyp, qaıtalanǵan jaǵdaıda jaýapqa tartylady»,- basqarma tóraǵasynyń orynbasary Sáýle Egeýbaeva.

Onyń aıtýynsha, 2020 jylǵa qaraı elimizde jalpy tabysty deklaratsııalaý sharalary engiziledi. Soǵan sáıkes basybaıly tabysty anyqtaý bastalady. Zeınetaqy jarnasyn durys tártipte ári ýaqytyly jasaýdy memlekettik kirister organdary qadaǵalaıdy.

«Jańa tártipke sáıkes azamattyq-quqyqtyq sıpattaǵy sharttar boıynsha tabys taýyp otyrǵan jeke tulǵalar men jeke kásipkerlerdiń aılyq kirisi esepteledi. Sodan ekinshi deńgeıli bankter arqyly 10% óndiriledi»,-dedi Sáýle Egeýbaeva.

Eske sala ketsek, «Zeınetaqymen qamtamasyz etý» týraly zańǵa ózgerister engen bolatyn. Zańǵa sáıkes azamattyq-quqyqtyq sıpattaǵy sharttar boıynsha tabys alatyn jeke tulǵalar zeınetaqy tólemin jasaýǵa mindettelgen edi.

BJZQ basqarmasy bul ózgeristerden oń nátıje kútedi. Zań 14 shildede óz kúshine enedi.