Kelestik túlek Eýropadaǵy bedeldi oqý oryndarynan shaqyrtý aldy

TÚRKІSTAN. KAZINFORM — Túrkistan oblysy Keles aýdanynda ornalasqan № 2 Ó.Jánibekov atyndaǵy mektep-gımnazııasynyń 11-synyp oqýshysy Ábýbákir Armanuly birden birneshe sheteldik joǵary oqý ornynan halyqaralyq bilim granttaryn jeńip aldy.

Kelestik túlekke Frantsııa, Italııa, Lıtva jáne Malaızııa elderindegi bedeldi ýnıversıtetter bilim alý úshin resmı shaqyrtý joldady. Atap aıtqanda, ol Italııadaǵy «John Cabot University» 50 paıyzdyq oqý grantyna, Frantsııadaǵy «American University of Paris» 70 paıyzdyq oqý grantyna, Lıtvadaǵy «LCC International University» jartylaı oqý grantyna jáne «Xiamen University Malaysia» 4 jyldyq tolyq oqý grantyna ıe boldy.

— Bul — jyldar boıǵy júıeli daıyndyq pen sapaly bilimniń jemisi dep bilemin. Ata-anamnyń qoldaýy men ustazdarymnyń eńbegi úlken yqpal etti. Ásirese, aǵylshyn tili pániniń muǵalimi ári synyp jetekshimiz Ulyqbek Berdalıevtiń kásibı baǵyt-baǵdary men qamqorlyǵy erekshe boldy, — deıdi ol.

Ábýbákir Armanulynyń jetistikteri munymen toqtap turǵan joq. Ol Túrkııa úkimetiniń «Türkiye Bursları» halyqaralyq shákirtaqysynan, Bolgarııadaǵy «American University in Bulgaria», sondaı-aq Ońtústik Koreıa ýnıversıtetterinen de jaýap kútip otyr.

Aıta keteıik, budan buryn saryaǵashtyq oqýshy álemniń 36 jetekshi ýnıversıtetinen shaqyrtý alǵanyn jazǵan bolatynbyz.