Keleste «Asyl er - elimen birge» atty saltanatty shara ótti

KELES. QazAqparat –Túrkistan oblysy Keles aýdanynda «Asyl er - elimen birge» atty saltanatty shara ótti. QR Tuńǵysh Prezıdenti kúnine oraı uıymdastyrylǵan sharaǵa aýdan ákimi Aqmentaı Esbaev pen zııaly qaýym ókilderi, memlekettik qyzmetshiler men aýdan turǵyndary qatysty, dep habarlaıdy QazAqparat tilshisi.

Elimizdiń ánuranymen bastaý alǵan merekelik jıyndy aýdan basshysy Aqmentaı Esbaev ashyp, barsha kelestikterdi merekemen quttyqtady.

«Elbasy halyqty orasan zor isterge jumyldyrdy, qoǵamdaǵy tatýlyq pen kelisimdi nyǵaıtý isinde sarabdal saıasat ustandy. Elimizdiń syrtqy saıası baǵytyn dál nusqap, tuńǵysh ret qazaq memleketiniń shekarasyn aıqyndady, tórtkúl dúnıege teń terezeli el retinde moıyndatty. Mine, sondyqtan da álem saıasatkerleri Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevty Qazaqstan memlekettiliginiń negizin qalaýshy jáne búkil halyqaralyq qoǵamdastyqtyń rızashylyǵy men qurmetine ıe bolǵan jahandyq, óńirlik beıbit bastamalardyń avtory retinde tanıdy», – dedi aýdan ákimi.

Sondaı-aq, ákim bıyl Arys apatynda aýdan atynan baryp, qol ushyn bergen azamattarǵa Túrkistan oblysynyń ákimi Ómirzaq Shókeevtiń alǵys hatyn tabystady. Birqatar azamattar aýdan ákiminiń marapatyna ıe boldy.

Merekelik kóńil-kúıde ótken is shara mádenıet úıi ónerpazdary daıyndaǵan kontserttik baǵdarlamaǵa ulasty.