Kelesi jyly Jambyl oblysyna qansha qarjy bólinedi
Onyń aıtýynsha, aımaqtyń 2023 jylǵa arnalǵan bıýdjet kiristeri 507,8 mlrd teńge kóleminde josparlanǵan, bul 2022 jylǵy naqtylanǵan kólemnen 49,1 mlrd teńgege nemese 10,7 paıyzǵa artyq.
«Aǵymdaǵy jyly jergilikti atqarýshy organdar atqarǵan jumystar nátıjesinde 2023 jyly Jambyl oblysyna respýblıkalyq bıýdjetten 454,7 mıllıard teńge kóleminde qarjy bólý qarastyrylǵan. Bul 2022 jylǵy kólemnen 48,1 mıllıard teńgege nemese 11,8 paıyzǵa kóp. Bıýdjet shyǵyndarynyń 70 paıyzy nemese 349,1 mıllıard teńgesi áleýmettik salaǵa baǵyttalyp, ótken jylmen salystyrǵanda 15,1 paıyzǵa artady», - dedi Gúldana Jaýynbekova.
Aıta keteıik, buǵan deıin Premer-Mınıstr Jambyl oblysynyń damý basymdyqtaryn ataǵanyn jazǵanbyz. Álıhan Smaıylovtyń paıymynsha, óńir basshylyǵy otandyq azyq-túlik ónimderin óndirýdi ulǵaıtý jáne baǵanyń negizsiz ósýine jol bermeý jónindegi jumysty baqylaýda ustaýy kerek.
