Kelesi Dúnıejúzilik kóshpendiler oıyndary Túrkııada ótetin bolady
Kóshpendiler oıyndary Qyrǵyzstanda osymen úshinshi márte ótýde. Oıyn baǵdarlamasy qatysýshylardy kóshpendilerdiń ejelgi mádenıetimen arnaıy tanystyrý úshin uıymdastyrylǵan. Alaıda kelesi 2020 jylǵy oıyndardy ótkizý quqyǵy Túrkııaǵa berildi. Bul jóninde Túrkııanyń prezıdenti Rejep Taııp Erdoǵanmen kezdesý barysynda Qyrǵyzstan prezıdenti Sooronbaı Jeenbekov málim etti.
«2020 jyly Kóshpendiler oıynda Túrkııada ótetin bolady», - dedi S. Jeenbekov.
Sporttyq jarystarǵa 60 elden 2000-ǵa jýyq sportshylar, myńdaǵan týrıster men sheteldik qonaqtar keldi. Іs-sharaǵa 50 elden 500 sheteldik jýrnalıst taǵaıyndaldy.
Qazaqstan quramasy, óz kezeginde, 129 sportshyny tanystyrdy. Olar 37 ulttyq sport túrinen synǵa túsedi. Onyń 13-i - ártúrli halyqtardyń ulttyq kúres túrleri.
Aldaǵy saıystar Qyrshyn shatqalynda ótetin bolady. Aýmaqta myńdaǵan kıiz úıler tigilip, etnoqalashyq turǵyzylady.
Sondaı-aq, bul jerde alǵashqy Halyqaralyq «Kóshpendilerdiń dúnıejúzilik taǵamdary» festıvali ótedi dep josparlanǵan. Sharaǵa qatysý úshin Ázerbaıjan, Kazaqstan, Kyrǵyzstan, Mońǵolııa, Reseı, Rýmynııa, Saýd Arabııasy, Túrkııa, Ózbekstan, Ońtústik Koreıa syndy 10 eldiń tanymal aspazdary shaqyryldy.
