Kelesi jyly Ortalyq Azııa elderiniń Óńirlik ekologııalyq sammıti ótedi

ASTANA. KAZINFORM – 2026 jyly Ortalyq Azııa elderiniń Óńirlik ekologııalyq sammıti ótedi. Bul týraly jyl qorytyndysyna oraı BAQ ókilderine arnalǵan brıfıngte Ekologııa jáne tabıǵı resýrstar mınıstri Erlan Nysanbaev aıtty.

- 2026 jyly óńirdegi klımat pen ekologııa salasyndaǵy ózekti máseleler boıynsha ortaq sheshimder qabyldaý úshin Qazaqstan Ortalyq Azııa elderiniń Óńirlik ekologııalyq sammıtin ótkizedi. Nátıjesi boıynsha memleket basshylarynyń deklaratsııasy men 2026–2030 jyldarǵa arnalǵan is-qımyl baǵdarlamasyn qabyldaý josparlanýda, - dedi Erlan Nysanbaev.

Sonymen qatar ol Memleket basshysynyń tapsyrmasymen Ekologııalyq mádenıetti damytýdyń 2024 – 2029 jyldarǵa arnalǵan «Taza Qazaqstan» tujyrymdamasy bekitilgenin eske saldy.

- Bastama aıasynda bıyl ótkizilgen 1 250 ekologııalyq is-sharaǵa 6,4 mln-nan astam adam qatysty. Іs-shara aıasynda 795 myń tonna qaldyq jınalyp, 1 mln gektardan astam aýmaq tazartyldy, sondaı-aq 2,8 mln-nan astam aǵash otyrǵyzyldy. Azamattardyń belsendiligin arttyrý úshin @TazaQazBot chat-bot iske qosyldy. Oǵan 25 myńnan astam ótinish túsip, onyń 23,6 myńy oryndaldy. Ol keri baılanys quraly retindegi chattyń tıimdiligin dáleldep otyr, - dedi mınıstr.

Aıta keteıik, kelesi jyly 5,4 mln gektar orman órtti erte anyqtaý júıesimen qamtylady.